Pandharpur News: विठ्ठल– रुक्मिणी मंदिरात भाविकांना सेवेची संधी; आषाढी यात्रेपासून सुरवात

पंढरपूर : शेगावच्या संत गजानन महाराज संस्थानच्या धर्तीवर पंढरपूर येथील विठ्ठल रुक्मिणी मंदिरात (Vitthal Rukmini Temple) भाविकांना सेवा‌ देता येणार आहे. येत्या आषाढी यात्रेपासून (Aashadhi Wari) ही सेवा‌ सूरू करण्यात येणार आहे. यामुळे भाविकांसाठी आता विठ्ठल रुक्मिणीची सेवा देण्याची संधीचा लाभ मिळणार आहे. (Breaking Marathi News)

विठ्ठल रुक्मिणी मंदिर समितीची आज मंदिर समितीचे सहअध्यक्ष गहिनीनाथ महाराज औसेकर यांच्या अध्यक्षतेखाली बैठक झाली. या बैठकीत हा महत्त्वपूर्ण निर्णय घेण्यात आला. मागील अनेक वर्षांपासून विठ्ठल रुक्मिणी मंदिरात सेवा‌ करण्याची संधी मिळावी; अशी मागणी भाविकांनी केली‌ होती. भाविकांच्या मागणीचा विचार समितीने येत्या आषाढी यात्रेपासून भाविकांना सेवा‌ देता येणार आहे. या संदर्भात सविस्तर कृती आराखडा तयार करून त्यानुसार भाविकांना मंदिरांसह (Pandharpur) परिसरात मोफत सेवा देण्याची संधी उपलब्ध करून दिली जाणार आहे.

मंदिर समिती सांगेल त्यानुसार जे भाविक सेवा देण्यास तयार होतील; अशा भाविकांना ही वर्षभर सेवा देण्याची संधी उपलब्ध करून दिली जाईल; असे ही धोरण ठरविले जाईल अशी माहिती मंदिर समितीचे कार्यकारी अधिकारी तुषार ठोंबरे यांनी दिली. ज्या भाविकांना मंदिरात सेवा देण्याची इच्छा आहे; अशा भाविकांनी मंदिर समितीकडे नाव नोंदणी करावी असे आवाहन समितीने केले आहे.