Osmanabad DCC Bank: उस्मानाबाद जिल्हा मध्यवर्ती सहकारी बँकेच्या मतमाेजणीस प्रारंभ; महाविकासची सरशी, भाजपला भाेपळा

-कैलास चाैधरी

उस्मानाबाद : उस्मानाबाद जिल्हा मध्यवर्ती सहकारी बॅंकेच्या (osmanabad district cooperative bank) निवडणुकीच्या (election) मतमाेजणीस आज (साेमवार) प्रारंभ झाला. या जिल्हा बॅंकेच्या पाच जागा यापूर्वीच बिनविरोध झाल्या आहेत. उर्वरित 10 जागांसाठी रविवारी मतदान झालं. 808 मतदारांपैकी 798 मतदारांनी त्यांचा हक्क बजावला. येथील महसूल भवन येथे मतमोजणीस सुरुवात झाल्यानंतर पहिला निकाल हाती आला आहे. (osmanabad dcc bank election result latest news in marathi)

उस्मानाबाद (osmanabad) जिल्हा मध्यवर्ती सहकारी बँक निवडणूकीत विविध विकास सेवा सोसायटी गटातून बळवंत तांबरे विजयी झाले आहेत. त्यांनी भाजपच्या श्रावण सावंत यांचा पराभव केला आहे.

या निवडणुकीत महाविकास आघाडी (mva) विरुद्ध भाजप (bjp) अशी होती थेट लढत होत असून शिवसेना खासदार ओमप्रकाश राजेनिंबाळकर, आमदार कैलास पाटील व भाजपा आमदार राणाजगजितसिंह पाटील यांची प्रतिष्ठा पणाला लागली आहे.

एकेक निकाल हाती येत असून जिल्हा मध्यवर्ती बॅंकेच्या (dcc bank election) निकालाकडे संपूर्ण जिल्ह्याचे लक्ष लागून राहिले आहे.

उस्मानाबाद जिल्हा मध्यवर्ती सहकारी बँक

विजयी उमेदवार

बळवंत तंबारे( सेना)

बालाजी पाटील( सेना)

नागप्पा पाटील (काँग्रेस)

पराभूत उमेदवार

श्रावण सावंत (भाजप)

चंद्रकांत पाटील (भाजप)

राहुल पाटील (भाजप)

Edited By : Siddharth Latkar