नांदेड : वयाच्या चौदाव्या वर्षी उडवलं विमान !

नांदेड : वयाच्या चौदाव्या वर्षी विमान चालवण्याची संधी मिळणं एखादं स्वप्नचं म्हणावं लागेल. मात्र, नांदेडच्या एनसीसीच्या (NCC) नववीत शिक्षण घेणाऱ्या १४ वर्षाच्या तीन विद्यार्थ्यांना पुण्याच्या एनडीआरएफ (NDRF) प्रशिक्षण केंद्रात को-पायलट बनून विमान (Aeroplane) चालवण्याची संधी मिळाली. यात एका विद्यार्थींनीचा समावेश आहे. (Opportunity for three Nanded students to become co-pilots)

हे देखील पहा :

देशाचे संरक्षण आणि देशसेवा करण्याची प्रेरणा बाल वयातच मिळावी यासाठी शाळे एनसीसीच्या माध्यमातून प्रशिक्षण दिलं जात. यातूनच नांदेड (Nanded) शहरातील महात्मा फुले हायस्कूलच्या शुभांगी डोनगावकर, कृष्णा देशमुख आणि ओंकार सोळंके या एनसीसीच्या तीन विद्यार्थ्यांची कॅम्प साठी निवड झाली होती. तीनही विद्यार्थांना को-पायलट बनून एअर क्राफ्ट (विमान) उडविण्याची संधी मिळाली. मिळालेल्या या प्रशिक्षणामुळे प्रेरणा मिळाल्याने या विद्यार्थ्यांनी एअरफोर्स मध्ये भरती होण्याची इच्छा व्यक्त केलीय.

को-पायलट (Co-Pilot) म्हणून विमान चालवायची संधी मिळालेल्या, महात्मा फुले हायस्कूल मधील तीन विद्यार्थ्यांपैकी कृष्णा देशमुख आणि शुभांगी डोनगावकर या दोन मुलांचे पालक शेतकरी आहेत. तर, ओंकार सोळंके हा शिक्षकाचा मुलगा आहे. या वयात विमान जवळून पहायचे स्वप्न पाहणाऱ्या मुलांना चक्क को-पायलट बनन्याची संधी एनसीसी मुळे मिळाली. विद्यार्थ्यांनी प्रेरणा घेत आयुष्यात उंच भरारी घ्यावी असं आवाहन प्रशिक्षक आणि मुख्याध्यापकांनी केलंय.

अवघ्या चौदाव्या वर्षी एअर क्राफ्ट (विमान) को - पायलट बनण्याची संधी नांदेडच्या तीन विद्यार्थ्यांना मिळाली. आता या विद्यार्थ्यांना (Students) उत्तुंग भरारी घेण्याची मिळालेली ही प्रेरणा नक्कीच आयुष्याचं चिज करणारी आहे.

Edited By : Krushnarav Sathe