Obc Reservation: ओबीसी आंदोलनात नेतृत्वावरुन संघर्ष? चळवळीबाबत हाकेंची निर्वाणीची पोस्ट

राज्यात मराठा विरुद्ध ओबीसी आरक्षणाचा मुद्दा तापलाय.. त्यातच बीडमध्ये आयोजित केलेल्या मेळाव्याच्या बॅनरवर हाकेंना डावलल्याने ओबीसी आंदोलनात नेतृत्वावरुनच संघर्ष पेटल्याची चर्चा रंगलीय... ओबीसींच्या नावावर राजकारण केलं नसल्याचं सांगत हाकेंनी अप्रत्यक्षरित्या भुजबळांवर निशाणा साधल्याची चर्चा रंगलीय...

खरंतर लक्ष्मण हाकेंनी निर्वाणीचा इशारा दिल्यानंतर त्यांच्या गाडीवर हल्ल्याची घटना घडलीय.. या हल्ल्यानंतर सरकार ओबीसी असल्यानेच दुर्लक्ष करत असल्याचा आरोप हाकेंनी केलाय.. खरंतर हैदराबाद गॅझेटियर लागू केल्यानंतर लक्ष्मण हाकेंनी राज्यभर मेळावे घेत वातावरण तापवलं. तर छगन भुजबळांनीही मंत्रिमंडळात राहून सरकारची कोंडी केली.. मात्र आता लक्ष्मण हाकेंना ओबीसींना म्होरक्या असं म्हटलं जात असल्याने ओबीसी चळवळीतच अंतर्गत धुसफूस वाढलीय.. त्यातच बीडमधील मेळाव्याच्या बॅनरमधूनच हाकेंना वगळलं आणि हाकेंनी आपली खदखद बोलून दाखवली.. मात्र हाकेंनी ओबीसी चळवळ सोडण्याबाबतची भूमिका घेतल्यानंतर मंत्री छगन भुजबळांनी पावसाचं कारण देत बीडमधील मेळावा रद्द करण्याचा निर्णय घेतलाय..

मात्र ओबीसी आंदोलनात कोणत्या मुद्द्यावर फूट पडण्याची शक्यता आहे? हाकेंनी ओबीसींसाठी आक्रमक आंदोलनं सुरु केले आहेत. त्याला मोठा प्रतिसाद मिळतोय.. त्यामुळेच मंत्री छगन भुजबळ आणि लक्ष्मण हाके यांच्यात नेतृत्वासाठी स्पर्धा सुरु झाल्याचं म्हटलं जातंय.. त्यातच समता परिषदेने बीडच्या मेळाव्याच्या बॅनरवर हाकेंना डावललंय... एवढंच नाही तर ओबीसी आरक्षणासाठी हाके रस्त्यावरची तर भुजबळ कायदेशीर लढाई लढत असल्याने रणनीतीच्या दृष्टीने मतभेद असल्याची चर्चा आहे.. तसंच समता परिषदेच्या कार्यकर्त्यांकडूनच हाकेंवर टीकेची झोड उठवण्यात आली..

याच मुद्द्यामुळे ओबीसी आंदोलनात फुटीची बिजं रोवली जात आहेत..खरं तर दैत्यनांदूरच्या मेळाव्यात चळवळीतून बाहेर पडण्याचा इशारा दिला होता ..मात्र चळवळीतून बाहेर पडण्याबाबत हाकेंनी कोणतीच भूमिका जाहीर केली नाही.. त्यामुळे हाकेंनी आपली बंडाची तलवार म्यान केली आहे का? असा प्रश्न निर्माण झालाय..मात्र हाकेंनी चळवळ सोडण्याचा इशारा दिल्याने ज्येष्ठ ओबीसी नेते असलेले छगन भुजबळ हाकेंची नाराजी दूर करणार की रिपब्लिकन पक्षाप्रमाणे ओबीसी आंदोलनाचीही शकलं उडणार... यावर चळवळीची दिशा ठरणार आहे..