मराठा आरक्षण जीआरमुळे ओबीसी समाज आक्रमक झालाय.. तर मराठा समाजाला ओबीसीतून आरक्षण दिल्याने ओबीसींचं आरक्षण गेलं... या अस्वस्थतेतून लातूरच्या रेणापूरमध्ये भरत कराडने आत्महत्या केलीय.. त्याच्या कुटुंबियांच्या सांत्वनासाठी छगन भुजबळ आणि धनंजय मुंडे एकत्र आले... आणि येथूनच भुजबळांनी एकीचा नारा दिलाय...
मराठा समाजाला दिलेल्या ओबीसीतील आरक्षणामुळे ओबीसी समाज अस्वस्थ आहे.. याच अस्वस्थतेवर धनंजय मुंडेंनी फुंकर घालत भावनिक आवाहन केलंय...
सरपंच संतोष देशमुख हत्या प्रकरणात वाल्मिक कराडच मास्टरमाईंड असल्याचं समोर आल्यानंतर धनंजय मुंडेंनी अन्न व नागरीपुरवठा मंत्रिपदाचा राजीनामा दिला.. तर हेच मंत्रिपद छगन भुजबळांना देण्यात आलंय.. त्यानंतर ओबीसींच्या मुद्द्यावर भुजबळांसोबतच्या बैठकीपासून मुंडेंनी अंतर राखलं होतं.. मात्र आता लातूरमधील भरत कराडच्या आत्महत्येनंतर भुजबळ आणि मुंडे एकत्र आलेत...तर याआधीच पंकजा मुंडेंनीही ओबीसी आरक्षणाच्या वादात उडी घेतलीय...
खरंतर कराड प्रकरणामुळे गेलेलं मंत्रिपद भुजबळांना दिल्याचं दुःख विसरुन आता धनंजय मुंडे ओबीसींच्या लढ्यात भुजबळांना साथ देणार का? आणि 2002 मध्ये भुजबळ आणि गोपिनाथ मुंडेंनी ओबीसींच्या मुद्द्यावर एकीचा नारा दिला होता... आताही तसाच एल्गार धनंजय मुंडे आणि भुजबळ सरकारविरोधात पुकारणार का? याचीच उत्सुकता आहे...
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.