Solapur Police Traffic Update: ऐकलं का बे, नवरात्रनिमित्त सोलापूर शहरातील वाहतुकीत बदल झालाय ना! जाणून घ्या बंद रस्ते आणि पर्यायी मार्ग कोणते?

गणेशोत्सवानंतर नवरात्रोत्सवाचे वेध लागतात. राज्यात नवरात्रोत्सव मोठ्या उत्साहात साजरा केला जातो. सोलापूरात नवरात्रीनिमित्त काही मंडळाकडून मिरवणूक देखील काढली जाते. याच पार्श्वभूमीवर सोलापूर शहर पोलीस आयुक्त एम.राजकुमार यांनी वाहतुकीच्या मार्गात बदल केलाय. नवरात्र उत्सवाला सोमवार २२ सप्टेंबर पासून प्रारंभ होणार आहे. यादिवशी घटस्थापना केली जाणार आहे. दरम्यान सोलापूर शहरात नवरात्र उत्सवात काही मंडळाकडून मिरवणूक देखील काढली जाते.

या पार्श्वभूमीवर सोलापूर शहर पोलीस आयुक्त एम.राजकुमार यांनी वाहतुकीच्या मार्गात बदल केलाय. नवरात्र उत्सवानिमित्त २२ सप्टेंबर आणि २ ऑक्टोबर रोजी शहरातून शक्ती देवीची मिरवणूक काढली जातेय. काही मंडळाची मिरवणूक राष्ट्रीय महामार्गावरून निघते. तसेच बाळवेस चौक, टिळक चौक, मधला मारुतीचौक, कोतम चौक, माणिक चौक आणि मंगळवार पेठ पोलीस चौकी या परिसरात साहित्य खरेदी करण्याकरिता नागरिकांची मोठ्या प्रमाणात गर्दी होत असते.

त्यामुळे अनुचित प्रकार होण्याची शक्यता नाकारता येत नाहीये तसेच कायदा व सुव्यवस्थेचाही प्रश्न निर्माण होऊ शकतो. वाहतुक कोंडीची शक्यता आहे. २२ सप्टेंबर सकाळी सहा वाजल्यापासून ते दिनांक २ ऑक्टोबर रात्री १२ वाजेपर्यंत सर्व प्रकारच्या वाहनांना येण्या-जाण्यास बंदी घालण्यात आलीय.

कोणत्या मार्ग असतील बंद

बाळवेस चौक, टिळक चौक, मधला मारुतीचौक, कोतम चौक, माणिक चौक व मंगळवार पेठ पोलीस चौकी परिसरात पूजेसाठी तसेच धार्मिक विधीसाठी लागणारे साहित्य खरेदी करण्यासाठी गर्दी होते. २२ सप्टेंबर सकाळी ६ वाजल्यापासून ते २ ऑक्टोबर रात्री १२ वाजेपर्यंत हा मार्ग वाहतुकीसाठी बंद करण्यात आलाय. पोलीस खात्याची वाहने अत्यावश्यक सेवेची आणि पोलिसांच्या वाहनास परवानगी असेन.

बाळीवेस ,बीएसएनएल ऑफिस, मंगळवार पेठ पोलीस चौकी ते कुंभार बेस्ट मार्गे कोणतं चौक आणि पुढे समाचार चौक मार्गे माणिक चौक हा पर्यायी मार्ग असेल या आदेशाचा भंग केल्यास त्या व्यक्तीवर महाराष्ट्र पोलीस अधिनियम १९५१ चे कलम १३५ अन्वये गुन्हा दाखल करण्यात येईल.