गोदावरीला पूर; सोमेश्वर धबधब्यावर गर्दी टाळा प्रशासनाचे आवाहन

नाशिक : येथील प्रसिद्ध सोमेश्वर धबधब्यास गोदावरी नदीच्या पुराच्या पाण्याने वेढले आहे. आज (बुधवार) सकाळ पासून गंगापूर धरणातून दहा हजार क्यूसेक पाण्याचा विसर्ग करण्यात आला आहे. यामुळे गंगापूर रस्त्यावरील गोदावरी नदीवर असलेल्या सोमेश्वर धबधब्याला देखील पुराच्या पाण्याने वेढल्याचे चित्र पाहायला मिळत आहे. nashik-rain-update-godawari-flooded-someshwar-waterfall-sml80

टप्प्याटप्य्याने पाण्याच्या विसर्गात वाढ केली जाणार असल्याची शक्यता आपत्ती व्यवस्थापनाने व्यक्त केली आहे. त्यामुळे गोदावरीत पाणी वाढेल. परिणामी जिल्ह्या प्रशासनाने नदीकाठच्या नागरिकांना सतर्कतेचा इशारा दिला आहे.

दरम्यान सोमेश्वर येथील धबधब्याचे रौद्र रूप पाहण्यासाठी नागरिकांची गर्दी झाली हाेती. त्या अनुषंगाने नागरिकांनी धबधबा परिसर तसेच नदी काठी पूर पाहण्यासाठी येऊ नये असे आवाहन जिल्हा प्रशासनाने केले आहे. कुठलाही अनुचित प्रकार घडू नये यासाठी गाेदावरी नदी परिसर तसेच धबधबा परिसर येथे पोलिस बंदोबस्त ठेवण्यात आला आहे.

edited by : siddharth latkar