Nashik News: साखर झोपेत मृत्‍यूने गाठले; लाकडी कपाट पडल्‍याने चिमुकल्‍याचा मृत्‍यू

तबरेज शेख

नाशिक सिडको : अपघात केव्हा कधी आणि कसा होईल याचा काही नेम नाही. परंतु काही अपघात असे असतात जे मनाला (Nashik News) चटका लावून जातात. असाच एक प्रसंग बुधवारी जाधव संकुल परिसरामध्ये साखर झोपेत असणाऱ्या शौर्यच्या बाबतीत घडला आहे. या तीन वर्षीय चिमुकल्‍याचा झोपेतच दुर्देवी (Death) मृत्‍यू झाला. (Live Marathi News)

नाशिक सिडको परिसरातील शौर्य आणि त्याचे कुटुंबीय झोपेत असताना सकाळी सुमारे साडेसहा वाजता अवघा तीन वर्षाच्या शौर्य सुजित विश्वकर्मा याच्या अंगावर लाकडी कपाट पडलेल्याने त्याचा जागीच अंत झाला. सदरची बाब परिसरात समजतात एकच शोककळा पसरली. मुलाच्या पालकांवर आभाळ कोसळल्यासारखं झाल.

मुलगा जिवंत असल्‍याची वेडी भावना

आपला पोटचा मुलगा जिवंत असेल; अशी वेडी भावना घेऊन त्यांनी जिल्हा रुग्णालयात त्यास उपचारासाठी दाखल केले. परंतु वैद्यकीय अधिकाऱ्यांनी शोर्य यास तपासून मृत घोषित केले. यानंतर त्याच्या पालकांनी एकच हंबरडा फोडला. अंबड परिसरातील जाधव संकुल येथे राहणाऱ्या विश्वकर्मा परिवारावर या प्रसंगामुळे मोठी शोककळा पसरली. याबाबत अंबड पोलीस ठाण्यात अकस्मात मृत्युची नोंद करण्यात आली असून अधिक तपास पोलीस हवालदार चव्हाण करीत आहेत.