VIDEO: 'कांदा खरेदी घोटाळा होत असेल तर कोर्टात जावे', कृषीमंत्री धनंजय मुंडेंच्या विधानावरुन शेतकरी संतापले; माफीची मागणी

Maharashtra Breaking News: एकीकडे कांदा खरेदीमधील घोटाळ्यावरुन शेतकऱ्यांमध्ये संताप व्यक्त केला जात असतानाच 'कांदा खरेदी घोटाळा होत असेल तर कोर्टात जावे', असा अजब सल्ला कृषीमंत्री धनंजय मुंडे यांनी दिला आहे.
Onion Scam News: 'कांदा खरेदी घोटाळा होत असेल तर कोर्टात जावे', कृषीमंत्री धनंजय मुंडेंच्या विधानावरुन शेतकरी संतापले; माफीची मागणी
Maharashtra Breaking News:Saamtv

नाशिक, ता. ३ जुलै २०२४

कांदा खरेदीमध्ये भ्रष्टाचार होत असल्याचा आरोप करण्यात आल्याने राज्यात खळबळ उडाली आहे. एकीकडे कांदा खरेदीमधील घोटाळ्यावरुन शेतकऱ्यांमध्ये संताप व्यक्त केला जात असतानाच 'कांदा खरेदी घोटाळा होत असेल तर कोर्टात जावे', असा अजब सल्ला कृषीमंत्री धनंजय मुंडे यांनी दिला आहे. धनंजय मुंडे यांच्या या दाव्यानंतर शेतकऱ्यांनी संताप व्यक्त करत राजीनाम्याची मागणी केली आहे.

कांदा उत्पादक शेतकऱ्यांकडून निषेध

"कृषी मंत्र्यांनी कोर्टात जा असे वक्तव्य करणे ही मोठी खेदाची बाब आहे. मुख्यमंत्री म्हणतात शेतकऱ्यांचं सरकार तर दुसरीकडे शेतकऱ्यांची लूट होत असताना सरकार म्हणून ज्यांची लूट थांबवण्याची जबाबदारी आहे, ते कोर्टात जा असा अजब सल्ला देत असतील तर हे दुर्दैवी. आहे. कांदा शेतकऱ्यांत प्रचंड संतापाची भावना असून कांदा उत्पादक शेतकरी याचा निषेध करतायत," असे महाराष्ट्र राज्य कांदा उत्पादक शेतकरी संघटनेचे अध्यक्ष भारत दिघोळे म्हणाले.

मुंडेंच्या राजीनाम्याची मागणी

"स्वतः कृषीमंत्री हे शेतकरी आहेत. मात्र त्यांना शेतकऱ्यांबाबत किती आस्था आहे हे आज समोर आलं. तुम्हाला कृषिमंत्री म्हणायचं तरी कसं? कृषिमंत्र्यांच्या या शब्दाचा आम्ही निषेध करतो. कृषिमंत्र्यांनी शेतकऱ्यांची माफी मागावी, शेतकऱ्याची बाजू धरणारा एकही पक्ष नाही, एकही नेता नाही," असे म्हणत शेतकऱ्यांनी धनंजय मुंडे यांच्या वक्तव्याचा निषेध केला.

Onion Scam News: 'कांदा खरेदी घोटाळा होत असेल तर कोर्टात जावे', कृषीमंत्री धनंजय मुंडेंच्या विधानावरुन शेतकरी संतापले; माफीची मागणी
Ahmednagar Crime: जेवणावरुन वाद, मद्यधुंद टोळक्याचा हॉटेल मालकावर प्राणघातक हल्ला, तलवार अन् कोयत्याने वार!

दरम्यान, नाशिकमध्ये कांदा खरेदी विक्री व्यवहार तपासणीसाठी केंद्रीय पथक दोन दिवसांपासून नाशिकमध्ये तळ ठोकून आहेत. या पथकाची नाशिक जिल्हा बँकेत FPO च्या प्रतिनिधीसोबत सध्या बैठक सुरू आहे. सरकारतर्फे कांदा खरेदीसाठी नाफेड तसेच NCCF मार्फत विविध FPO आणि शेतकरी संस्थांची नेमणूक करण्यात आली होती, मात्र कांदा खरेदीत भ्रष्टाचाराचे आरोप करण्यात आले आहेत.

Onion Scam News: 'कांदा खरेदी घोटाळा होत असेल तर कोर्टात जावे', कृषीमंत्री धनंजय मुंडेंच्या विधानावरुन शेतकरी संतापले; माफीची मागणी
Viral Video : तरुणांचं जीवघेणं धाडस; रात्रीच्या वेळी धावत्या रुग्णवाहिकेला लटकून प्रवास, धक्कादायक व्हिडिओ आला समोर

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com