Nashik Corporation : धोकादायक घर रिकामी करण्याच्या सूचना; नाशिक मनपाकडून ७३ मालमत्ता धारकांना नोटीस

नाशिक : जुन्या पडक्या असलेल्या धोकादायक इमारती पावसाळ्याच्या दिवसात पडण्याची शक्यता अधिक असते. यामुळे मोठी हानी होण्याची शक्यता देखील असते. याकरिता सर्व्हे करून अशा धोकेदायक इमारती खाली करण्याबाबत सूचना केल्या जात असतात. त्यानुसार नाशिक रोड परिसरातील ७३ घर खाली करण्यासंदर्भात नाशिक महापालिकेकडून नोटीस बजावण्यात आल्या आहेत.

पावसाळा (Rain) सुरु होण्यापूर्वी शहरांमध्ये सर्व्हे करून धोकेदायक इमारतींची पाहणी केली जात असते. जोरदार पावसात जुने धोकादायक घरे कोलमडणे, पडणे, भिंती कोसळणे असे प्रकार घडण्याची शक्यता अधिक निर्माण होत असते. अशा घटना घडल्यास यात वित्तहानी किंवा जीवित हानी होण्याची शक्यता निर्माण होत असते. यामुळे हि हानी होऊ नये यासाठी पालिकेच मालमत्ता धारकांना घर खाली करण्याचे आवाहन सुरवातीला केले जात असते. त्यानुसार नाशिक महापालिकेने सर्व्हे केला असता (Nashik) नाशिकरोड विभागातील विहित गाव आणि देवळाली गाव येथील घरं धोकादायक असल्याचे आढळून आले आहे. 

दरम्यान शहरातील काझी गढी येथील नागरिकांचाही प्रश्न गंभीर आहे. यामुळे खबरदारी म्हणून घरे रिकामी करण्याच्या पालिकेने सूचना दिल्या आहेत. मात्र नाशिकरोड विभागातील विहित गाव आणि देवळाली गाव येथील घरं देखील धोकादायक असून महानगरपालिकेने सर्वेक्षण करून वाडे आणि घरे रिकामी करण्याच्या सूचना दिल्या आहेत. नाशिक महानगरपालिकेकडून नाशिकरोड विभागातील साधारण ७३ धोकादायक घरांना नोटीस पाठविण्यात आल्या आहेत.