NCP youth congress demand to File case against Gautami Patil : नाशिकमधील कार्यक्रमात प्रसिद्ध नृत्यांगना गौतमी पाटील हिच्या कार्यक्रमात रिपोर्टिंगसाठी गेलेल्या पत्रकारांना मारहाण झाल्याची घटना घडली आहे. गौतमीच्या कार्यक्रमाच्या ठिकाणी काही मद्यपी तरुणांनी या पत्रकारांना मारहाण केली. या घटनेत पत्रकार गंभीर जखमी झाले आहेत.
दरम्यान या घटनेनंतर राष्ट्रवादी काँग्रेस आक्रमक झाली आहे. या घटनेचा आम्ही जाहीर निषेध करत असून गौतमी पाटीलवर गुन्हा दाखल करून तिला नाशिक जिल्हा बंदी करण्यात यावी, अशी मागणी राष्ट्रवादी युवक काँग्रेसच्या वतीने करण्यात आली आहे. शहराध्यक्ष अंबादास खैरे यांनी ही मागणी केली आहे.
नृत्य कलाकार गौतमी पाटीलच्या कार्यक्रमाचे नाशिक शहरात आयोजन करण्यात आले होते. या कार्यक्रमात वार्तांकन करण्यासाठी उपस्थित असलेल्या पत्रकारांना येथील मद्यपी कार्यकर्त्यांनी मारहाण केली. त्यामुळे यामध्ये पत्रकारांना गंभीर दुखापत झाली. (Latest Political News)
या घटनेसाठी सर्वस्वी गौतमी पाटीलला जबाबदार धरून तिच्यावर गुन्हा दाखल करण्यात यावा. तसेच नाशिकमध्ये असे प्रकार पुन्हा घडू नये यासाठी नाशिक जिल्ह्यात गौतमी पाटीलला पूर्णतः बंदी घालण्यात यावी अशी मागणी राष्ट्रवादी युवक काँग्रेसच्या वतीने युवक शहराध्यक्ष अंबादास खैरे यांनी केली आहे. (Latest Marathi News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
