नाशिक : नागरी वस्ती परिसरात बिबट्याचा वावर मागील काही दिवसात अधिक वाढला आहे. यामुळे बिबट्याचे हल्ले देखील वाढले आहेत. अशीच घटना नाशिकच्या वडनेर गेट परिसरात घडली असून घराच्या अंगणात वडिलांसोबत खेळत असताना बिबट्याने अचानक हल्ला करत दोन वर्षीय चिमुकल्याला उचलून नेल्याची घटना रात्रीच्या सुमारास घडली आहे. चिमुकल्याचा अद्याप शोध लागलेला नाही.
नाशिकच्या वडनेर गेट परिसरात रात्रीच्या सुमारास सदरची घटना घडली आहे. दरम्यान नाशिक शहराच्या काही भागात बिबट्याचा वावर मोठ्या प्रमाणात वाढला आहे. शहरातील भर वस्तीत शिकारीच्या शोधात हे बिबटे फिरत असल्याचे अनेकदा निदर्शनास आले आहे. काही ठिकाणी प्राण्यांवर हल्ले झाले आहेत. तर काही ठिकाणी नागरिकांवर हल्ले झाल्याच्या घटना देखील घडल्या आहेत. यात पुन्हा बिबट्याने एका लहान मुलावर हल्ला केला आहे.
वडिलांदेखत नेले उचलून
रात्रीच्या सुमारास मुलाला थोडा विरंगुळा म्हणून वडील घराच्या अंगणात खेळवत होते. वडिलांसोबत घराबाहेर खेळत असताना बिबट्याने दोन वर्षीय श्रुतीकवर हल्ला करत उचलून नेले. वडिलांसमोर बिबट्याने या लहान मुलाला उचलून नेले. काही कळायच्या आतच घटना घडल्याने चिमुकल्याचा वडील भांबावून गेले आहेत. तर लहान मुलावर बिबट्याने हल्ला करत उचलून नेल्याने कुटुंबीयांचा आक्रोश केला.
मुलाचा रात्रभर शोध
मुलाला उचलून नेल्याची घटना घडल्याने परिसरात भीतीचे वातावरण पसरले आहे. तर घटनेनंतर रात्री उशिरापर्यंत श्रुतीकचा शोध वनविभागाचे कर्मचारी आणि स्थानिक घेत होते. तसेच श्रुतीकचे वडील आर्मीमध्ये कार्यरत असल्याने आर्मीचे जवान देखील रात्री उशिरापर्यंत शोध मोहीम करत होते. मात्र मुलाचा तपास लागला नाही. दरम्यान या आधी देखील या परिसरात लहान मुलांवर बिबट्याने हल्ला केल्याने एका मुलाचा मृत्यू झाला होता. आता या घटनेने परिसरात भीतीचे वातावरण आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.