नाशिक : पर्यावरणासह आरोग्याच्या दृष्टीने जिल्हा परिषदेतर्फे विविध उपाययोजना करण्यात येत आहेत. त्याचाच एक भाग म्हणून जिल्हा परिषदेच्या (Zilha Parishad) मुख्यालयात प्लॅस्टिक बाटल्या वापरण्यास (Nashik) कर्मचाऱ्यांसह येणाऱ्या अभ्यागतांनाही बंदी घालण्यात आली आहे. (Latest Marathi News)
नाशिक जिल्हा परिषद मुख्यालयात कोणीही पिण्याच्या पाण्यासाठी प्लॅस्टिकच्या बाटल्यांचा वापर करू नये, असे आदेश मुख्य कार्यकारी अधिकारी आशिमा मित्तल यांनी दिले आहेत. पिण्याच्या पाण्यासाठी (Plastic Ban) प्लॅस्टिकच्या बॉटलचा वापर करण्याचे प्रमाण वाढले असून प्लॅस्टिक बॉटलचा अतिरिक्त वापर केल्यास कॅन्सर, मधुमेह, हृदयरोगासह गर्भवती मातेस आणि बाळास धोका होतो.
प्लॅस्टिकच्या बॉटलमध्ये विविध प्रकारचे आरोग्यास हानिकारक असलेल्या रसायनांचा वापर केलेला असतो. त्यामुळे या आजारांपासून दूर राहण्यासाठी कर्मचाऱ्यांनी प्लॅस्टिक बॉटलपासून दूर राहण्याच्या सूचना मुख्य कार्यकारी अधिकारी मित्तल यांनी अधिकाऱ्यांना दिल्या आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
