Nashik News : टोल कर्मचाऱ्यांनी केली अरेरावी; संतप्त नागरिकांनी मालेगाव -कुसुंबा रोडवरील फोडला टोलनाका

मालेगाव तालुक्यातील डोंगराळे सह परिसरातील संतप्त नागरिकांनी आज मालेगाव कुसुंबा रोडवरील टोलनाका नाका फोडला. टोल नाक्यावरी कर्मचाऱ्याकडून स्थानिकांना अरेरावी केल्याने हा प्रकार घडल्याची प्राथमिक माहिती आहे. सर्व लेनवरील टोल कार्यालय फोडण्यात आले आली आहेत. टोल नाक्यावरी कॉम्पुटर, कॅमेरे यासह साहित्याची तोडफोड केल्यामुळे लाखोंचं नुकसान झालं आहे. हा सर्व प्रकार CCTV मध्ये कैद झाला आहे. स्थानिक आणि टोल कर्मचाऱ्यांमध्ये यापूर्वीही वाद झाले आहे.

अहमदनगर शहरातील मंगलगेट परिसरात दोन गटामध्ये तुंबळ हाणामारी

अहमदनगर शहरातील मंगलगेट परिसरात दोन गटामध्ये तुंबळ हाणामारी झाली. यामध्ये एका स्कार्पिओ गाडीचे मोठे नुकसान झाले आहे. शिवसेना एकनाथ शिंदे गटाचे संपर्कप्रमुख, माजी नगरसेवक सचिन जाधव आणि सागर मुर्तडक यांच्या कार्यकर्त्यांमध्ये राडा झालाय. यात गाडीची आणि वाहनाची तोडफोड करण्यात आली. दरम्यान या मारहाणीत जखमी झालेल्या सचिन जाधव यांची महायुती चे उमेदवार सुजय विखे पाटील यांनी भेट घेतली. त्यानंतर प्रतिक्रिया देताना सचिन जाधव हे माझे कार्यकर्ते आहेत गेल्या पाच वर्षापासून आम्ही सोबत काम करत आहोत हा राजकीय वाद नसून गैरसमजातून झालेला वाद आहे हा वाद वाढू नये एवढीच अपेक्षा आहे असं सुजय विखे यांनी म्हटलं आहे.

वीज अंगावर पडून दोघांचा मृत्यू

पाहूनचाराला आलेल्या दोघांचा वीज पडून मृत्यू झाल्याची दुर्दैवी घटना नागपूर जिल्ह्याच्या काटोलमधील कोंढाळीच्या आलागोंदी गावात घडलीय. जयदेवराव मनोठे (६०) वरून भागवत भोंडवे (५५) अशी मृतांची नावं आहेत.