नाशिक जिल्ह्यातील इगतपुरी,मुंढेगावमध्ये ह्रदयद्रावक घटना घडली आहे. विहिरीत पडलेल्या आपल्या ३ वर्षांच्या मुलीला वाचवताना मुलीसह आईचाही बुडून मृ्त्यू झाला आहे. दोघीही जवळच असलेल्या शेनवड खुर्द येथील रहिवाशी असून ग्रामस्थांनी मायलेकीचे मृतदेह विहिरीत आढळून आले आहेत. याची माहिती मिळताच पोलीस घटनास्थळी दाखल झाले आणि मृतदेह घोटीच्या ग्रामीण रुग्णालयात उत्तरीय तपासणीसाठी पाठवण्यात आले आहेत.
घटनास्थळावरून मिळालेल्या प्राथमिक माहितीनुसार, २३ वर्षीय महिला पाणी आणण्यासाठी आपल्या ३ वर्षांच्या चिमुकलीसह शेतात गेली होती. मुलीला बाजूला ठेवून ही महिला शेतातील विहिरीतील पाणी ओढत होती. त्यावळी तीची मुलगी अचानक विहिरीत पडली. मुलीला वाचविण्यासाठी त्या महिलेने जीवाच्या आकांताने विहिरीकडे धावली आणि स्वत:ला सरळ विहिरीत झोकून दिलं. आजूबाजूला कोणीचं नव्हतं त्यामुळे त्या दोघींचाही विहिरीत बुडून मृत्यू झाला.
याची माहिती मिळाल्यानंतर ग्रामस्थांनी शेतातील त्या विहिरीकडे धाव घेतली आणि मृतदेह बाहेर काढले. पोलीसही घटनास्थळी दाखल झाले आणि मृतदेह ताब्यात घेऊन घोटीच्या ग्रामीण रुग्णालयात उत्तरीय तपासणीसाठी पाठवले आहेत. पोलिसांकडून या घटनेचा पुढील तपास सुरू आहे. कालच भावली धरणात पाच जणाचा बुडून मृत्यू झाला होता. ही घटना ताजी असतानाच ही घटना घडल्याने परिसरावर शोककळा पसरली आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.