Nashik News : बारागाड्या ओढताना ५ जण जखमी; अक्षय तृतीयेला यात्रोत्सव समारोपावेळी अपघात

अजय सोनवणे 

नाशिक : नाशिकच्या देवळा तालुक्यातील मेशी गावातील ग्रामदैवत जगदंबा मातेच्या सात दिवस यात्रोत्सव भरत असतो. (Nashik) या यात्रोत्सवाचा समारोप अक्षय तृतीयेच्या दिवशी बारागाड्या ओढून होत असतो. परंपरेनुसार आज या बारागाड्या ओढत असताना त्या मार्गाच्या बाजूला उभ्या असलेल्या गर्दीत घुसून झालेल्या (Accident) अपघातात ५ भाविक जखमी झाले आहे. 

अक्षय तृतीयेनिमित्ताने परंपरेनुसार अनेक गावांमध्ये यात्रोत्सव किंवा बारागाड्या ओढण्याचा कार्यक्रम ठेवण्यात आलेला असतो. त्यानुसार नाशिक जिल्ह्यातील देवळा तालुक्यातील मेशी गावात जगदंबा मातेचा सात दिवसांचा यात्रोत्सव भरविण्यात आलेला होता. या यात्रोत्सवाचा आज शेवटचा दिवस होता.  

बारागाड्या ओढताना घुसल्या गर्दीत 

दम्यान आज अक्षय तृतीयेच्या दिवशी अंतिम दिवस म्हणून देवीच्या रथाची सवाद्य मिरवणूक व बारा गाड्या ओढण्याचा कार्यक्रम असतो. बारा गाड्या ओढतांना भाविकांची गर्दी जास्त झाल्याने बारागाड्या नियोजित मार्गावरून एकाच बाजूला ओढल्या गेल्या. या घटनेत ५ भाविक जखमी झाले. घटनेतील जखमींना ग्रामस्थानी तातडीने वैद्यकीय उपचारासाठी देवळा व मालेगाव येथे दाखल करण्यात आले.