नाशिक : नाशिक शहर व परिसरात क्राईमच्‍या दोन घटना घडल्‍या आहेत. यात ओझरमध्‍ये रात्रीच्‍या सुमारास युवकाची हत्‍या झाली आहे. तर लासलगाव बसस्थानक परिसरातून तरुणाचे अपहरण करून त्यास मारहाण केल्‍याचा प्रकार समोर आला आहे. (Breaking Marathi News)
नाशिकच्या ओझरला प्रमोद निकाळजे (वय ३२) नामक युवकाची रात्री हत्‍या (Crime News) करण्यात आली. ओझरच्‍या आंबेडकरनगर परिसरात घटना घडली आहे. प्रमोद हा मनमिळाऊ असल्‍याने त्‍याच्‍या हत्येमुळे परिसरात हळहळ व्यक्त केली जात आहे. या घटनेनंतर पोलीस घटनास्थळी दाखल झाले असून गुन्हे शोध पथक आरोपीचा शोध घेत आहेत.
तरुणाचे अपहरण करून मारहाण
नाशिकच्या लासलगाव बस स्थानकातून मुलीच्या प्रकरणावरुन गणेश माळी या तरुणाला नातेवाईक अनिल माळी याने मारहाण केली होती. या मारहाणीचा वचपा काढण्यासाठी गणेश माळीने अनिल यास लासलगाव बसस्थानक परिसरात बोलविले. यानंतर अन्य मित्रांच्या मदतीने त्याचे गाडीतून अपहरण करुन त्यास रेल्वे गेटजवळील काटेरी झुडपात नेत मारहाण केली. बसस्थानकातून गाडीतून नेत गाडी मागे त्याचे साथीदार पळत असल्याचे सीसीटीव्ही फुटेज व्हायरल झाला आहे. याबाबत लासलगाव पोलिसांनी तिघांना ताब्यात घेतले आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.