Nashik Crime : दुचाकी चोरी करणारे दोन संशयित ताब्यात; साडे अकरा लाखांचा मुद्देमाल जप्त

तबरेज शेख 
नाशिक : नाशिक जिल्ह्यातील विविध भागातून दुचाकी चोरी करणाऱ्या दोघा सराईत गुन्हेगारांना पंचवटी पोलिसांनी (Nashik) ताब्यात घेतले आहे. त्यांच्याकडून चोरीच्या १७ दुचाकी जप्त करण्यात आल्या असून ११ लाख ५० हजार रुपयांचा मुद्देमाल पंचवटी पोलिसांनी (Police) हस्तगत केला. त्यांनी ९ गुन्हे केल्याचे उघडकीस आले आहे. (Breaking Marathi News)

पंचवटी पोलिसांनी यश मांडवडे (रा. चवगाव, ता. बागलाण) आणि प्रशांत गावित (रा. बाबापुर, ता. दिंडोरी) या दोघांना अटक (Bike Theft) करण्यात आले आहे. या दोन्ही संशयितांनी नाशिक शहरातील पंचवटी, म्हसरूळ, भद्रकाली आणि नाशिक ग्रामीणमधील दिंडोरी व वणी पोलीस ठाणे या हद्दीतील तब्बल १७ मोटरसायकल चोरी केल्या होत्या. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

विना नंबर मोटारसायकलवर फिरताना अडकले 

पंचवटी पोलीस ठाण्याचे दोन हवालदार पोलीस ठाण्याच्या हद्दीत गस्त घालत असताना मेरी शासकीय ऑफिस गेटसमोर दोन व्यक्ती संशयितरित्या विना नंबर मोटरसायकल घेऊन फिरताना आढळले. पोलिसांनी (Nashik Crime) या दोघांना थांबण्याची विनंती केली असता ते पळून जाऊ लागले. त्यानंतर पोलिसांनी शिताफिने पाठलाग करून त्यांना ताब्यात घेतले. तसेच मोटारसायकल चोरीच्या सीसीटीव्ही तपासून या दोघांना अटक केली. या कारवाईत एकूण नऊ गुन्हे उघडकीस आणण्यात पोलिसांना यश आले.