Nashik Crime : क्राइम ब्रॉचची सर्वात मोठी कारवाई, कुंटणखाना प्रकरणी राजकीय नेत्याला अटक

तबरेज शेख, साम टीव्ही नाशिक

नाशिकमधून एक खळबळजनक घटना समोर आली आहे. कुंटणखाना चालवल्याप्रकरणी एका राजकीय नेत्याला क्राइम ब्रॉचने अटक केली आहे. पवन क्षीरसागरला असं या नेत्याचं नाव असून तो आरपीआय आठवले गटाचा उत्तर महाराष्ट्राचा संघटक असल्याची माहिती आहे. या घटनेनं शहरात मोठी खळबळ उडाली आहे.

मिळालेल्या माहितीनुसार, तपोवन येथील (Nashik News) एका हायप्रोफाइल सोसायटीत कुंटणखाना सुरू असल्याची माहिती क्राइम ब्रांचला मिळाली होती. या कुंटणखाण्यावर राजकीय नेत्याचा वरदहस्त आहे, अशा तक्रारी देखील पोलिसांना प्राप्त झाल्या होत्या. पोलिसांनी तातडीने धाड टाकून काही महिलांची सुटका केली.

तसेच कविता साळवे या कुंटनखाणा (Crime News) चालवणाऱ्या महिलेला अटक केली. तिची कसून चौकशी केली असता. कुंटनखाना चालवण्यात पवन क्षीरसागर या आरपीआय आठवले गटाचा सपोर्ट होता, अशी कबूली तिने दिली. यानंतर क्राइम ब्रांचने तडकाफडकी पवन क्षीरसागरला अटक केली आहे.

दरम्यान, पवन क्षीरसागर यांच्यावर याआधीही अनेकदा गुन्हे दाखल झालेले आहेत. काही वर्षांपूर्वी जुन्या वादातून त्याने एका व्यक्तीला बेदम मारहाण केली होती. क्षीरसागर याच्यासह साथीदारांनी अडवून या व्यक्तीवर धारदार शस्त्राने वार केले होते. या प्रकरणी अंबड पोलीस ठाण्यात गुन्हाही दाखल करण्यात आला होता. आता थेट कुंटनखाणा चालवण्यात त्याचा सपोर्ट असल्याचे कळताच शहरात एकच खळबळ उडाली आहे.