नारायण राणेंच्या वक्तव्यावरून, जालन्यात युवा सेनेकडून निषेध

जालना : केंद्रीय मंत्री नारायण राणे यांनी राज्याचे मुख्यमंत्री उद्धव ठाकरे यांच्या विरोधात वादग्रस्त वक्तव्य केल्याच्या निषेधार्थ जालन्यात युवा सेनेच्या वतीने राणे यांचा निदर्शनं करून, निषेध नोंदविण्यात आला आहे. अंबड चौफुली चौकात युवा सेनेने नारायण राणे यांचा 'कोंबडी चोर' असा उल्लेख केलेल बॅनर आंदोलनात आणून राणे यांच्या विरोधात घोषनाबाजी केली आहे.

हे देखील पहा-

या आंदोलनात युवा सेनेचे पदाधिकारी आणि कार्यकर्ते मोठ्या संख्येने सहभागी झाले होते. आंदोलना दरम्यान युवा सेनेच्या कार्यकर्त्यांनी कोंबड्या आणून, नारायण राणे यांचा निषेध केला आहे. बॅनरवर राणे यांच्या फोटोला जोड्याने मारहाण करून, त्यांच्या वादग्रस्त वक्तव्याचा जाहीर निषेध नोंदवला आहे.

दरम्यान कुत्रा भुकल्याशिवाय मालक त्याला बिस्कीट टाकत नाही, असे सांगत युवा सेनेचे राज्य विस्तारक अभिमन्यू खोतकर यांनी राणे हे मलईदार पदासाठी मुख्यमंत्र्यांवर टीका करत असल्याचा आरोप केला आहे. नाशिक पोलिसांनी राणे यांना अटक केल्यानंतर त्यांना पोलिस ठाण्यात न नेता मनोरुग्णालयात न्यावे अशी विनंती नाशिक पोलिस आयुक्तांना करणार असल्याचे देखील अभिमन्यू खोतकर यांनी यावेळी म्हणाले आहेत.

Edited By- Digambar Jadhav