मी हे खपवून घेणार नाही; नारायण राणेंचा पाेलिसांना इशारा

सिंधुदुर्ग : जे त्यांचे कार्यकर्ते आहेत त्यांनाच उपमुख्यमंत्री अजित पवार यांनी अक्कल लागते असं म्हणाले आहेत. त्यांनीच भ्रष्टाचार केला आहे. संचयनी सारख्या गोष्टीत भ्रष्टाचार केला. त्यामुळे कारभार करण्यासाठी अक्कल लागते असा उपरोधिक टोला केंद्रीय मंत्री नारायण राणे यांनी उपमुख्यमंत्री अजित पवार यांना लगावला आहे. जे सत्तेमध्ये आहेत त्यांनी अकलेचे काय तारे तोडलेत हे जनतेला आता कळून चुकले आहे असेही राणे यांनी अजित पवार यांना उद्देशन म्हटलं आहे. कुडाळ येथे आयाेजिलेल्या पत्रकार परिषदेत नारायण राणे बाेलत हाेते.

सिंधुदुर्ग (sindhudurg) जिल्ह्यातील चार नगर पंचायती व जिल्हा बँकेवर भाजपची (bjp) सत्ता येथे हे लक्षात आल्यानंतर सूड भावनेने आघाडी सरकार कारवाई करत असल्याचा आरोप नारायण राणे (narayan rane) यांनी केला आहे. कणकवलीत (kankavali) मारहाणीची घटना घडली. त्या घटनेमध्ये भाजपचे आमदार नितेश राणे (nitesh rane) व गोटया सावंत यांचा संबंध लावून पोलीस अधिकाराचा गैरवापर करून नितेश राणे व गोटा सावंत यांना चौकशीसाठी बोलवून अटकेसाठी प्रयत्न करत आहेत.

महाराष्ट्रातील आघाडी सरकार हे बळाचा व अधिकाराचा गैरवापर करून नाहक आमदार नितेश राणे यांना गोवण्याचा प्रयत्न करत आहेत. त्यामुळे पोलिसांनी लक्षात ठेवावे केंद्रामध्ये पण आमची सत्ता आहे. जर चुकीच्या पद्धतीने पोलीस वागत असतील तर जिल्हा पोलिस अधिक्षक कार्यालयावर भव्य मोर्चा काढू. पोलिसांनी (police) अधिकाराचा गैरवापर करू नये असा सूचक इशारा केंद्रीय मंत्री नारायण राणे यांनी दिला.

edited by : siddharth latkar