राष्‍ट्रपतींचा शपथविधी; आदिवासींच्‍या जल्‍लोषात गिरीश महाजनांसह जिल्‍हाधिकारींचा सहभाग

नंदुरबार : जिल्ह्यातील अतिदुर्ग अक्कलकुवा तालुक्यातील गोरजाबारी गावांमध्ये भाजपचे नेते गिरीश महाजन व नंदुरबार जिल्हाधिकारी मनीषा खत्री (Manisha Khatri) यांच्या उपस्थितीत महामहीम राष्ट्रपती द्रोपदी मुर्मू यांच्या शपथविधीचा सोहळा जल्लोषात साजरा करण्यात आला. यावेळी आदिवासी बांधवांनी भर पावसात (Rain) आदिवासी ढोल वाजवून नृत्य सादर करत आनंद साजरा केला. (Nandurbar Today News)

द्रौपदी मुर्मू (Droupadi Murmu) यांनी आज राष्ट्रपती पदाची शपथ घेतली. राष्ट्रपती बनणाऱ्या त्या दुसऱ्या महिला आहेत. मुर्मू यांनी राष्‍ट्रपती पदाची शपथ घेतल्‍यानंतर आदिवासी बांधवांनी जल्‍लोष केला. यात अक्‍कलकुवा (Akkalkuwa) येथे देखील जल्‍लोष केला.

आदिवासी समाजासाठी महत्‍त्‍वाचा दिवस

भाजपचे नेते गिरीश महाजन (Girish Mahajan) यांनी यावेळी उपस्थितांना मार्गदर्शन केले. आदिवासी समाजासाठी आज महत्त्वाचा दिवस असून एका सामान्य कुटुंबातील आदिवासी महिला राष्ट्रपती पदावर विराजमान झाल्याने आदिवासी समाजासाठी सन्मानाचा दिवस असल्याचे यावेळी त्यांनी सांगितले. राष्ट्रपती शपथविधीचा सोहळा साजरा करण्यासाठी दुर्गम भागातील आदिवासी मोठ्या संख्येने उपस्थित झाले होते.