Nandurbar NCP News: राष्ट्रवादीतर्फे रास्ता रोको करत काढल्‍या उठबशा; महामार्ग दुरावस्‍थेचा प्रश्‍न

सागर निकवाडे

नंदूरबार : नेत्रांग- शेवाडी महामार्गाची दुरवस्था झाली असून या महामार्गावर दिवसागणिक अपघाताच्या (Accident) प्रमाणात वाढ होत आहे. या अपघाताच्या विरोधात राष्ट्रवादी काँग्रेसच्‍यावतीने (NCP) आज रास्‍ता रोको आंदोलन करण्यात आले. तसेच प्रशासनाला जाग येण्यासाठी उठबशा घालून निषेध करण्यात आला आहे. (Live Marathi News)

नेत्रांग - शेवाडी महामार्ग दोन राज्यांना जोडणारा महामार्गापासून महाराष्ट्रातून, गुजरात आणि गुजराततून महाराष्ट्रात मोठ्या प्रमाणावर वाहतूक होत असते. मात्र या रस्त्याची अत्यंत दयनीय अवस्था झाली आहे. संबंधित प्रशासन दुर्लक्ष करत असल्याच्या आरोप राष्ट्रवादी काँग्रेसतर्फे झोपी गेलेले प्रशासनाला जाग येण्यासाठी हा रास्ता रोको केला गेला असल्याचे राष्ट्रवादीचे शहराध्यक्ष नितीन जगताप यांनी सांगितला आहे.

पंधरा दिवसांचा अवधी

संबंधित विभागाकडून पंधरा दिवसात या रस्त्याची कायमस्वरूपी डागलूजी केली जाणार असल्याचे सांगण्यात आले आहे. मात्र पंधरा दिवसात या रस्त्याची कायमस्वरूपी डागडुजी न झाल्यास बेमुदत उपोषणाच्या इशारा राष्ट्रवादी काँग्रेस पार्टी तर्फे देण्यात आलेला आहे.