न्याहली (नंदुरबार) : शेतात काम करत असणाऱ्या शेतकऱ्यावर बिबट्याने अचानक हल्ला केला. यात तरुण शेतकरी जखमी झाला आहे. (Leopard Attack) बिबट्याने हल्ला केल्याने सोबत असलेल्या (Nandurbar) शेतमजुरांची पळापळ सुरु झाली. बिबट्याने हल्ला केल्याची ही घटना नंदुरबार जिल्ह्यातील न्याहली शिवारात घडली. (Tajya Batmya)
नंदुरबार जिल्ह्यातील न्याहली शिवारात बुधवारी सकाळी दहाच्या सुमारास बिबट्या दिसून आला. शेतात शेतमजूर काम करीत असताना अचानक बिबट्या (Leopard) समोर आला. यामुळे शेतकऱ्यांमध्ये पळापळ सुरू झाली. या दरम्यान बिबट्याने शेतकऱ्यांवर (Farmer) हल्ला करू लागला. आजूबाजूच्या शेतकऱ्यांनी आरडाओरड केल्यामुळे बिबट्या जवळच असलेल्या मक्याच्या शेतात पळून गेला. बिबट्याच्या हल्ल्यात रवींद्र माळी हा तरुण शेतकरी गंभीर जखमी झाला. त्यांना जिल्हा रुग्णालयात उपचारार्थ दाखल केले.
('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
बिबट्या आल्याची माहिती वन विभागाला (Forest Department) देण्यात आली. या दरम्यान ग्रामस्थांनी बिबट्या लपलेल्या मक्याच्या शेताला चहुबाजूंनी पाळत ठेवली. दरम्यान, वन विभागाला माहिती कळविण्यात आली. दोन तासांनंतर वन विभागाचे पथक घटनास्थळी दाखल झाले. या पथकाने बिबट्यावर पाळत ठेवून ग्रामस्थांना घटनास्थळावरून निघून जाण्यास सांगितले. त्यानंतर वन विभागाच्या पथकाने मोहीम सुरू केली. मक्याच्या शेताजवळ पिंजरा लावण्यात आला. तसेच मशाल पेटवून बिबट्याचा शोध घेण्यात आला. सायंकाळी वन विभागाच्या पथकाने शेतात बिबट्या नसल्याचे सांगत पथक निघून गेले. परिसरात बिबट्या आल्यामुळे ग्रामस्थांमध्ये भीतीचे वातावरण निर्माण झाले आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
