Nandurbar : जिल्हा परिषदेत सत्तांतर नाहीच : चंद्रकांत रघुवंशी

नंदुरबार : नंदुरबार जिल्हा परिषदेची पोटनिवडणूक होत असली तरी जिल्हा परिषदेत सत्तांतर होणार नाही. भाजपची नाही तर महाविकास आघाडीचीच सत्ता येणार; असा विश्वास चंद्रकांत रघुवंशी यांनी व्यक्त केला.

नंदुरबार जिल्हा परिषदेमध्ये एकूण 56 गट असून सत्तेसाठी 28 सदस्यांची गरज असते. काँग्रेस 23 आणि शिवसेनेच्या 7 जागा मिळून सत्ता स्थापन केली होती. परंतु ओबीसी आरक्षणामुळे शिवसेनेच्या दोन व काँग्रेसच्या दोन उमेदवारांचे सदस्यत्व रद्द झाले होते. त्यानंतर आता पोट निवडणूक सुरू असून या निवडणुकीनंतर देखील काँग्रेस आणि शिवसेना सत्ता स्थापन करणार असल्याची प्रतिक्रिया शिवसेनेचे वरिष्ठ नेते चंद्रकांत रघुवंशी यांनी दिली आहे. महा विकास आघाडीच्या नेत्यांमध्ये समन्वय नसल्यामुळे युती होऊ शकली नाही. खरंतर पालकमंत्री के.सी. पाडवी यांनी पुढाकार घेऊन युतीसाठी प्रयत्न करायला पाहिजे होता. परंतु तसे झाले नाही. त्यामुळे काही जागांवर फटका मिळेल परंतु जिल्हा परिषदेत सत्ता मात्र महा विकास आघाडीचीच येईल अशी प्रतिक्रिया चंद्रकांत रघुवंशी यांनी दिली आहे.