शिवसेना, काँग्रेस, भाजप पक्ष्यांमध्ये तिरंगी लढत; १७ जागांसाठी ४८ उमेदवार रिंगणात

नंदुरबार : धडगाव- वडफळ्या- रोषमाळ नगरपंचायतीच्या १७ प्रभागांसाठी निवडणूक प्रक्रिया पार पडत आहे. उमेदवारी अर्ज माघारीच्या शेवटच्या दिवशी तीन जणांनी माघार घेतली आहे. त्यामुळे १७ जागांसाठी आता ४८ उमेदवार निवडणूक रिंगणात आहेत. (nandurbar-news-fight-between-Shiv-Sena-Congress-BJP-parties-48-candidates-for-17-seats-dhadgaon-panchayat)

नगरपंचायतीच्‍या निवडणूकत शिवसेनेतर्फे १७, कॉग्रेसचे १७, भाजपाचे ११ तर राष्ट्रवादीचा १ तर २ अपक्ष उमेदवार आपले भवितव्य आजमाविणार आहेत. दरम्यान, आजपासून प्रचाराचा धुराळा उडणार आहे. कॉँग्रेस, शिवसेना, भाजप पक्ष्यांमध्ये तिरंगी लढतीचा चित्र असून राज्याचे आदिवासी विकास मंत्री के. सी. पाडवी यांचा मतदारसंघ असल्याने त्यांची प्रतिष्ठा पणाला लागली आहे.

निवडणूक होणार चुरशीची

सर्व प्रमुख राजकीय पक्षांनी निवडणूकीच्या रिंगणात उडी घेतल्याने निवडणूक चुरशीची होणार आहे. आजपासून प्रचाराचा धुराळा उडणार आहे. २१ डिसेंबरला मतदार होणार आहे. २२ रोजी मतमोजणी होणार आहे. यामुळे आता मतदार राजा नेमका कोणाच्या बाजूने कौल देणार हे औत्सुक्याचे ठरणार आहे.