Saam Impact News: अंगणवाडी सेवीका आत्महत्या प्रकरणी अखेर पाच जणांवर गुन्हा दाखल

सागर निकवाडे

नंदूरबार : नंदुरबार जिल्ह्यातील सातपुडाच्या डोंगर रांगांमध्ये आत्महत्या करणाऱ्या अंगणवाडी सेविकेने आत्‍महत्‍या केली होती. या अंगणवाडी सेविकेच्‍या (Anganwadi Workers) मृत्यूप्रकरणी ‘साम टीव्ही’च्या बातमीनंतर पाच जणांच्या विरोधात गुन्हा दाखल करण्यात आला आहे. (Live Marathi News)

धडगाव तालुक्यात अलकाबाई अमिताभ वळवी या अंगणवाडी सेविका होत्या. अलकाबाई यांचे ऑगस्ट २०२१ पासून मानधन निघत नव्हते. त्यासाठी त्या वारंवार पाठपुरावा करत होत्या. मात्र त्यांना उडवा उडवीची उत्तरे (Nandurbar News) दिली जात होती. तसेच त्यांचे हेटाळणी देखील केली जात होती. या जाचाला कंटाळून त्यांनी सातपुड्याच्या डोंगर रांगांमध्ये तोरणमाळ जवळ एका खोल दरीत उडी घेत आत्महत्या केली

प्रकल्‍प अधिकारीसह पाच जणांवर गुन्‍हा

म्हसावद पोलीस ठाण्यामध्ये बालविकास प्रकल्प अधिकारी किशोर पगारे, रवीण वळवी, दारासिंग वळवी, सरलाबाई वळवी आणि मालतीबाई वळवी या पाच जणांच्या विरोधात गुन्हा दाखल करण्यात आलेला आहे. आत्महत्येस प्रवृत्त केल्याप्रकरणी त्यांच्यावर गुन्हा दाखल करण्यात आला आहे. म्हासावद पोलीस ठाण्यामध्ये गुन्हा दाखल करण्यात आला असून आरोपींचा शोध घेण्यात येत आहे.