भाजपने कॉग्रेससोबत हात मिळवणी; शिवसेना नेत्‍याचा आरोप

नंदुरबार : भाजपने कॉग्रेससोबत हात मिळवणी करत धुळे– नंदुरबार संयुक्त मध्यवर्ती बॅकेत सत्ता काबीज केली. असा आरोप शिवसेना नेते माजी आमदार चंद्रकांत रघुवंशी यांनी केला. (nandurbar-news-BJP-joins-hands-with-Congress-Shiv-Sena-leader-accused)

धुळे– नंदुरबार जिल्‍हा बँकेत महाविकास आघाडीच्या विरोधी शेतकरी संघर्ष पॅनलेचे चंद्रकांत रघुवंशी हे प्रमुख होते. त्यांच्यासह तब्बल चार कट्टर शिवसैनिकांचा जिल्हा बॅकेच्या निवडणुकीत विजय झाल्याने पहिल्यांदाच धुळे– नंदुरबार मध्यवर्ती बॅकेत शिवसेनेने जोरदार एन्ट्री केली आहे. परंतु, भाजपने कॉग्रेससोबत हात मिळवणी करत धुळे– नंदुरबार संयुक्त मध्यवर्ती बॅकेत सत्ता काबीज केल्याचा आरोप शिवसेना नेते माजी आमदार चंद्रकांत रघुवंशी यांनी केला आहे.

जबाबदारी यशस्‍वी पार पाडू

जिल्हा बॅकेच्या करभारावर चाप ठेवण्याची जबाबदारी शेतकऱ्यांनी आमच्यावर दिली असून आम्ही यशस्वी पार पाडू; शेतकऱ्यांच्या हिताचे निर्णय घेण्यास बॅकेस भाग पाडले जाईल, असे यावेळी चंद्रकांत रघुवंशी म्हणाले. त्याचबरोबर धुळे नंदुरबार संयुक्त असलेली जिल्हा बँक एक नंदुरबार जिल्ह्यासाठी वेगळी करण्यात देखील आहे प्रयत्न करणार असल्याचे स्पष्ट केले.