Nandurbar Prison Accused Escapes: खुनाच्या गुन्ह्यातील आरोपी कारागृहातून फुर्रर्र..

नंदुरबार : नंदुरबार येथील जिल्हा कारागृहातील न्यायाधीन बंदिवान कायदेशीर रखवालीतून नजर चुकवून कारागृहातील भिंतीवरून उडी मारून पळून गेला. याबाबत (Nandurbar) नंदुरबार शहर पोलिसांत (Police) गुन्हा दाखल करण्यात आला. (Live marathi News)

जिल्हा कारागृह नंदुरबार येथील सर्कल क्रमांक १ ते ८ मधील कारागृहाच्या आतील साचलेला कचरा बाहेर टाकण्यासाठी बंद्यांना होमगार्ड रवींद्र चव्हाण याच्यासोबत पाठविण्यात आले होते. रविवारी (ता. १७) सकाळी सहा ते सातच्या दरम्यान हे काम सुरू होते. त्याच वेळी तळोदा पोलिस ठाण्यांतर्गत खुनाच्या गुन्ह्यातील न्यायाधीन बंदिवान उदेसिंग कुशा बसावे (रा. तळोदा, ता. जि. नंदुरबार) याने संधी साधली.

संरक्षक भिंतीवरून मारली उडी

उदेसिंग बसावे हा जिल्हा कारागृहाच्या महिला विभागाच्या मागील बाजूने पळाला व तेथील बाजूने मेन गेटजवळील मुलाखत कक्षाच्या बाजूला असलेल्या बोळीत पळून संरक्षक भिंतीवरून उडी मारत पळून गेला. याबाबत अधिकारी संदीप चव्हाण यांनी नंदुरबार शहर पोलिस ठाण्यात फिर्याद दिली. त्यावरून गुन्हा दाखल करण्यात आला.