Shahada News : शहादा तालुक्यातून २१ लाखांचा गांजा जप्त; शेतात पिकांमध्ये करण्यात आली होती लागवड

सागर निकवाडे 
नंदुरबार : धुळे, नंदुरबार जिल्ह्यात गांजा जप्तीच्या कारवाया सातत्याने होत आहेत. शेतात पिकांमध्ये छुप्या पद्धतीने हि लागवड करण्यात येत असते. अशाच प्रकारे शहादा तालुक्यातील लंगडी भवानी येथे पिकांमध्ये लागवड करण्यात आलेला २१ लाखाचा गांजा जप्त करण्याची कारवाई पोलिसांनी केली आहे. यामुळे खळबळ उडाली आहे. 

विधानसभा निवडणुकीच्या पार्श्वभूमीवर (Shahada News) शहादा पोलिसांकडून करण्यात आलेली हि कारवाई मोठी मानली जात आहे. दरम्यान नंदुरबारमध्ये (Nandurbar) कालच गांजाची विक्री करणाऱ्यावर पोलिसांनी कारवाई केली आहे. या कारवाईत साधारण १ लाख रुपये किमतीच्यावर मुद्देमाल हस्तगत करण्यात आला आहे. यानंतर नंदुरबार जिल्ह्यातच दुसऱ्या दिवशी हि कारवाई करण्यात आल्याने खळबळ उडाली आहे. 

शहादा तालुक्यातील लंगडी भवानी येथील शेतशिवारात शेतामध्ये गांजाची लागवड करण्यात आली होती. याबाबत पोलिसांना माहिती मिळाली होती. या माहितीच्या आधारे शहादा पोलीस स्टेशनचे पोलीस निरीक्षक मोरे यांनी धाड टाकत मोठी कारवाई केली आहे. शेतात लागवड करण्यात आलेला साधारण २१ लाख किमतीचा हा गांजा पोलिसांनी जप्त केला आहे.