Navapur Crime News : महिलांच्या गळ्यातून मंगळसूत्राची चोरी; नागरिकांच्या सतर्कतेमुळे दोन महिला ताब्यात

सागर निकवाडे 
नंदूरबार : नवापूर तालुक्यातील खांडबारा येथे रविवारी आठवडी बाजारात महिलेच्या गळ्यातून मंगळसूत्र चोरताना (Nandurbar) संशयित दोन महिला चोरट्यांना रंगेहात पकडल्याने बाजारात एकच खळबळ माजली. सतर्कतेने नागरिकांनी सदर चोरट्यांना पोलिसांच्या (Police) ताब्यात देण्यात आले असून रविवारी आठवडे बाजारात पोलीसांनी गस्त वाढवण्याची मागणीने पुन्हा जोर धरू लागली आहे. (Maharashtra News)

नवापूर तालुक्यातील खांडबारा येथे रविवार दिवस म्हणजे आठवडी बाजाराचा दिवस असतो. तालुक्यातील महत्त्वाची व मोठी बाजारपेठ असल्यामुळे येथे मोठ्या संख्येने ग्रामीण भागातील नागरीक, शेतकरी, मजूरवर्ग खरेदीसाठी व अन्य कामाच्या निमित्ताने येत असतात. बाजाराच्या दिवशी गर्दीचा फायदा घेत चोरटे संधी साधत असतात. गेल्या वेळी मोबाईल चोरट्यांनी धुमाकूळ घातला होता 

सध्या बाजारात स्थानिक (Navapur) महिलांच्या गळ्यापर्यंत चोरट्यांचा हात आला असून चक्क सोन्या चांदीचे दागिने लांबविण्याचे प्रयत्न संशयित चोरट्या महिला करतांना दिसून येत आहे. असेच गळ्यातील दागिने चोरताना दोन महिला सापडल्या आहेत. अशा घटनेमुळे बाजारातील सुरक्षिततेचा प्रश्न निर्माण झाला असून चोरट्यांना खाकीचा धाक नसल्याचे बोलले जात आहे.