Kalyan News : गौरी पाडा तलावात शेकडो मासे मृत; दूषित पाण्यामुळे मृत झाल्याचा संशय

अभिजित देशमुख

कल्याण : कल्याण पश्चिमेकडील गौरी पाडा तलावात शेकडो मासे मृत आढळल्याने एकच खळबळ उडाली आहे. (Kalyan) सकाळी काही नागरिकांना काही मासे तलावात मृत अवस्थेत आढळले तलावात पाहिले असता मृत माशांचा खच दिसून आला. (Live Marathi News)

गेल्या तीन ते चार दिवसांपासून मृत मासे आढळत असल्याचे स्थानिकांनी सांगितले. पावसामुळे परिसरात अनेक ठिकाणी पाणी तुंबले आहे. तसेच आजूबाजूचे सांडपाणी तलावात आल्याने माशांचा मृत्यू झाल्याचा संशय स्थानिकांकडून व्यक्त करण्यात येतोय. याच गौरीपाडा तलावात गेल्या वर्षभरापूर्वी ५० हुन अधिक कासवं मृत अवस्थेत आढळून आली होती. 

वर्षभरानंतर पुन्हा याच तलावात मासे मृतावस्थेत आढळून आल्याने या तलावातील पाण्याचे नमुने तपासण्यात यावे, तलावातील मासे का मरत आहेत? याचे कारण शोधून उपाययोजना करावी, अशी मागणी स्थानिकांकडून करण्यात येते आहे.