Ganesh Festvial 2023 : पारंपारिक बँड, वाद्यांवरही बंदी, नंदुरबारच्या सार्वजनिक गणेशाेत्सव मंडळांची जिल्हाधिका-यांकडे धाव

- सागर निकवाडे

Nandurbar News : गणेशोत्सव काळात डीजे मुक्त मिरवणुकांना नंदुरबार जिल्ह्यातील मंडळांनी प्रतिसाद दिल्यानंतरही पारंपारिक बँड पथकला पोलीस प्रशासन परवानगी देत नसल्याने गणेश मंडळाचे पदाधिकारी आक्रमक झाले आहेत. तालुक्यातील गणेश मंडळाच्या कार्यकर्त्यांनी आणि सदस्यांनी जिल्हा प्रशासनास वाद्यांना परवानगी देण्याची मागणी केली. (Maharashtra News)

नंदुरबार जिल्हा पोलीस दलाच्या वतीने डीजे मुक्त गणेश उत्सवाची घोषणा केली आहे. या घोषणेला ग्रामीण भागातील आणि शहरी भागातील गणेश मंडळांनी प्रतिसाद दिला खरा मात्र पारंपारिक बँड आणि पारंपारिक वाद्यांना परवानगी देताना पोलीस प्रशासनाकडनं मंडळाच्या कार्यकर्त्यांना अडचणी निर्माण केल्या जात आहेत.

त्याच्या निषेधार्थ आज गणेश मंडळाच्या जवळपास ४०० ते ५०० ग्रामीण भागातील ग्रामस्थांनी जिल्हाधिकारी कार्यालयात धाव घेतली. सर्वच गणेशाेत्सव (ganeshostav) मंडळांनी जिल्हाधिकाऱ्यांना पारंपारिक वाद्य आणि पारंपारिक बँड हे वाजविण्यास परवानगी देण्यात यावी अशी मागणी निवदेनाद्वारे केले.

प्रशासनाने सहकार्याची भावना ठेवावी : गणेशाेत्सव मंडळे

जिल्ह्यातील गणेशोत्सव मंडळाचे कार्यकर्ते प्रशासनाला सहकार्य करत असतात, मात्र प्रशासनाने आडमुठेपणाची भूमिका घेतल्याने ग्रामस्थांत तीव्र असंतोष आहे. प्रशासनाने कार्यकर्त्यांच्या भावना लक्षात घेऊन पारंपारिक वाद्य आणि पारंपारिक बँडला परवानगी द्यावी अशी मागणी करण्यात आली आहे.

Edited By : Siddharth Latkar