नंदुरबार : सायंकाळच्या सुमारास रस्त्यावर रहदारी नसल्याचा फायदा उचलत किराणा दुकानदाराला लुटण्याची घटना नंदुरबारमध्ये घडली आहे. यात व्यापाऱ्याकडे ४५ हजार रुपयांची रोकड घेऊन चोरटे फरार झाले आहेत. या प्रकरणी व्यापाऱ्याने पोलिसात तक्रार दिली आहे.
नंदुरबार (Nandurbar) जिल्ह्यात मागील काही दिवसात चोरी, घरफोडी व रस्तालुटीचे प्रकार वाढले आहेत. काही महिन्यांपासून नंदुरबार शहरातील चोऱ्याचा घटनांमध्ये देखील वाढ झाल्याचे पाहण्यास मिळत आहे. यात नंदुरबार शहरापासून १५ ते ३० किलोमीटरवरील काही गावांमध्ये नंदुरबार येथून व्यापारी ये-जा करतात. किराणा, कपडे, मोबाईल, सोने-चांदी यांसह नोकरवर्गही नंदुरबार येथून ये-जा करतात. मात्र (Crime News) दोन दिवसांपूर्वी सायंकाळी पाचच्या सुमारास किराणा व्यापारी दीपक हासाणी दैनंदिन काम आटोपून नंदुरबारकडे येत असताना त्यांना लुटण्याचा प्रकार घडला.
धानोरा-नंदुरबार रस्त्यावर वेळावद फाटा ते उमर्दे फाटा यादरम्यान दोन अनोळखी तरुण दुचाकीवर उभे झाले. मात्र व्यापारी हासाणी यांनी आपली दुचाकी थांबविली नाही. दोघांनी हासाणी यांच्या धावत्या दुचाकीस लाथ मारून खाली पाडले. तसेच त्यांच्या दुचाकीला लटकविलेली पैशांची पिशवी घेऊन दोघेजण घेऊन फरार झाले. त्यात ४५ हजारांची रोकड होती. यानंतर व्यापाऱ्याने (Nandurbar Police) पोलिसात तक्रार दिली असून याचा तपास सुरु आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.