Nanded News : भावाच्या निधनाचे वृत्त कळताच बहिणीनेही सोडले प्राण; मन हेलावून टाकणारी घटना

Nanded Latest News : बहीण भावाचं नातं एक वेगळंच असत. प्रत्येक बहिणीसाठी तिचा भाऊ खास असतो. जगातील हे अतिशय सुंदर नातं असत. वयात अगदी थोडा फार फरक पण तरीही त्या व्यक्तीचा आधार खूप महत्वाचा वाटतो.

एकमेकांचे सुख-दु:ख वाटून घेण्यासाठी भावंड नेहमीच तत्पर असतात. मात्र आपला भाऊ हे जगच सोडून गेल्याचं कळल्यानंतर धक्क्याने बहिणीनेही प्राण सोडल्याची हृदयद्रावक नांदेडच्या (Nanded) अर्धापूर या ठिकाणी घडली आहे. (Latest Marathi News)

शहरातील अहिल्यादेवी नगरातील नामदेव साखरे (वय ८५) हे गेल्या काही वर्षांपासून आजारी होते. काल (१४ मार्च) अचानक त्यांची प्रकृती अधिकच खालावली आणि त्यांचे राहत्या घरी निधन झाले. ही निधनाची बातमी त्यांच्या बहिणीसह सर्व नातेवाईकांना देण्यात आली.

नामदेव साखरे यांच्या पार्थिवावर आज (१५ मार्च) अंत्यसंस्कार करण्यात येणार असल्याने त्यांचे नातेवाईक अंत्यदर्शनासाठी जमु लागले.यावेळी आपल्या लाडक्या भावाच्या अंत्यदर्शनासाठी बहीण मथुराबाई बोरकर सकाळी नऊ वाजण्याच्या सुमारास आल्या. (Nanded News)

मात्र, भावाचा मृतदेह पाहताच त्यांना मोठा धक्का बसला आणि काही क्षमताच त्यांनी प्राण सोडले. नातेवाईकांनी मथुराबाई यांना तातडीने उपचारासाठी रुग्णालयात दाखल केले. मात्र, डॉक्टरांनी त्यांना मृत घोषित केले. त्यांच्या पश्चात पती, तीन मुली,एक मुलगा असा परिवार आहे. तर नामदेव साखरे यांच्या मागे पत्नी, पांच मुली, दोन मुलगे असा परिवार आहे.