Nanded News: इथं भरतो गाढवांचा सर्वात मोठा बाजार; जपली जातेय अनोखी परंपराही

नांदेड : हवश्या गवश्या नवश्याची यात्रा म्हणून प्रसिद्ध असलेल्या माळेगाव यात्रा गाढवांचा बाजारासाठी प्रसिद्ध आहे. देशातील सर्वात मोठा (Nanded) गाढवांचा बाजार या यात्रेत भरतो. हजारो गाढवांच्या खरेदी विक्रीतून मोठी उलाढाल या ठिकाणी होत असते. या बाजाराचे अनेक वैशिष्ट्ये ही आहेत. (Maharashtra News)

दक्षिण भारतात प्रसिद्ध असलेली श्री क्षेत्र माळेगावच्या खंडोबा देवाच्‍या यात्रेत उंदरापासून ते उंटापर्यंतचे सर्वच प्राणी पक्ष्यांचा बाजार भरतो. कोरोनामुळे (corona News) तीन वर्ष यात्रा भरली नाही. यंदा यात्रा चांगली भरली आहे. गाढवांचा बाजारही चांगला भरलाय. अनेक राज्यातून गाढव या बाजारात विक्रीसाठी आणले जातात. यंदा गाढवांच्या किंमतीत मोठी वाढ झाल्याचे दिसते. 15 हजार ते 60 हजारापर्यंत गाढव विक्रीसाठी आली आहेत.

गाढवांच्या खरेदी- विक्रीची अनोखी परंपरा आजही काही प्रमाणात पाळली जाते. यंदा सौदा करुन थोडीबहुत किंमत देऊन गाढव घेऊन जायचे पुढच्यावर्षी सौदा केलेली संपुर्ण रक्कम देतात. एकंदरच यंदा यात्रेत गाढवांच्या उलाढालीतून मोठ्या प्रमाणात उलाढाल झाल्याने गाढवं पाळणाऱ्यांत सभाधान व्यक्त केले जात आहे.