Nanded News: देव, देव्‍हारे जिल्हाधिकारींकडे करणार जमा; जात पडताळणी समितीच्‍या अजब निर्णयाने आदिवासी कोळी समाज संतप्‍त

नांदेड : देवपुजा करता म्हणून आदिवासी महादेव कोळी समाजाचे जात वैधता प्रमाणपत्र जात वैधता पडताळणी समितीने नाकारल्याचा अजब प्रकार (Nanded) नांदेडमध्ये समोर आला. या विरोधात आदिवासी महादेव कोळी समाज उद्या जिल्हाधिकारी कार्यालयावर मोर्चा काढत देव, देवतां, देव्हारे जिल्हाधिकारी कार्यालयात जमा करणार आहे. (Live Marathi News)

नांदेडमध्ये आदिवासी महादेव कोळी समाजाचे जातीचे वैधता प्रमाणपत्र देण्यासाठी जात पडताळणी समितीने अजब दावा करत वैद्यकीय शिक्षण घेणाऱ्या डॉ. मयुरी पुंजरवाड या विद्यार्थीनीला जात वैधता प्रमाणपत्र देण्यास नकार दिला आहे. हा धक्कादायक प्रकार नांदेड जिल्‍ह्यातील हदगाव तालुक्यातील खरटवाडी येथील डॉ. मयुरी हिचे एमबीबीएसचे (Education) शिक्षण पुर्ण झाले.

तिच्‍या करीअरचे काय?

पुढील एमडी शिक्षणासाठी तिला जात वैधता प्रमाणपत्र आणण्यासाठी सांगण्यात आले. मात्र, जात पडताळणी समितीने तुम्ही देवपुजा करता म्हणून जातीचे प्रमाणपत्र नाकारले आहे. विशेष म्हणजे डॉ. मयुरीचे वडील श्रीकृष्ण पुंजरवाड हे शिक्षक आहेत. त्यांचे २००८ मध्ये जात वैधता प्रमाणपत्र वैध ठरले आहे. जातपडताळणीच्या अजब निर्णयामुळे डॉ. मयुरीचे पुढील करियरचे मोठे नुकसान होणार आहे.

संतप्‍त समाज काढणार मोर्चा

जातपडताळणी समितीच्या अजब निर्णयामुळे महादेव कोळी समाज संतप्त झाला. त्यामुळे उद्या जात पडताळणी समितीचा निषेध करण्यासाठी जिल्हाधिकारी कार्यालयावर मोर्चा काढून देव देवता, देव्हारे हे जिल्हाधिकारी कार्यालयात जमा करणार आहेत.