धक्कादायक! नांदेडमध्ये गुंडाचा पोलिसांवर तलवारीने हल्ला

नांदेड : नांदेडमध्ये एका गुंडाने तलवारीने थेट पोलिसांवर आणि पोलिसांच्या जिपवर हल्ला चढवला. या हल्ल्यात पोलिस कर्मचारी शिवाजी पाटील हे जखमी झाले आणि जिपचं नुकसान झालं. तर प्रतिऊत्तरादाखल ग्रामीण पोलीस ठाण्याचे पोलीस निरीक्षक अशोक घोरबांड यांनी हल्ला करणाऱ्या गुंड रघुसिंग बावरी वर गोळी (Saghusingh Bavari) झाडली यात बावरीच्या पायाला गोळी लागली. हा थरार आता रात्री साडेसात वाजता शहरातील वसरणी परिसरात घडला. (Shocking! In Nanded, goon attacked police with swords)

हे देखील पहा :

जखमी गुंड आणि पोलिस कर्मचाऱ्यावर नांदेड जिल्हा शासकीय रुग्णालयात उपचारासाठी दाखल करण्यात आले आहे. दोघांची ही प्रकृती स्थिर असल्याची माहिती पोलिसांनी दिली. बिल्डर संजय बियाणी यांच्या हत्येनंतर पोलिसांनी गुंडाची धरपकड सुरू केलीय. आज पोलीस वसरणी परिसरात रघुसिंग बावरीच्या घराकडे जात असताना रघुसिंग याने घरातील तलवार पोलिसांवर हल्ला केला. गुंड बावरीविरोधात 15 गंभीर स्वरुपाचे गुन्हे आहेत.

Edited By : Krushnarav Sathe