चिमुरडीच्या उपचारासाठी नानांनी आई-लेकीला पाठवलं हेलिकॉप्टरमधून, स्वतः गेले रेल्वेने (पहा Video)

सोलापूर : काँग्रेस प्रदेशाध्यक्ष नाना पटोले (Nana Patole) हे आज सोलापूर दौऱ्यावर आहेत. आज त्यांच्या नियोजिक दौऱ्याला कांही कारणामुळे विलंब झाला, मात्र नानांना झालेला हा विलंब एका चिमुरडीसाठी वरदान ठरलं आहे. नाना पटोले हे ज्या हेलिकॉप्टरने (Helicopter) आज मुंबईला जाणार होते त्याच हेलिकॉप्टरने सोलापुरातील (Solapur) उंजल दासी ही तिच्या आईसोबत मुंबईला रवाना झाली आहे.

उंजल दासी (Unjal Dasi) या लहान मुलीला हृदयविकाराचा आजार असून मुंबईला उपचारासाठी तिला तात्काळ जायचं होतं. ही गोष्ट सोलापूरच्या आमदार प्रणिती शिंदे (MLA Praniti Shinde) यांना समजताच शिंदे यांच्या पुढाकाराने उंचल ला हेलिकॉप्टरने पाठविण्यात आले.

पहा व्हिडीओ -

उंजल हिला हृदयविकाराचा आजार असून, तिच्यावर तात्काळ उपचार करण गरजेचं होत, त्यामुळे आमदार प्रणिती शिंदेंनी विनंती केल्यानंतर नांनांनी (Nana Patole) हेलिकॉप्टर चिमुरडीला देऊन स्वतः रेल्वेने मुंबईला जाण्याचा निर्णय घेतला आहे. यामुळे नेहमी स्वतःचा धडाकेबाज अंदाजासाठी प्रसिद्ध असणाऱ्या नाना पटोलेंचा ही हळवी बाजू ही आता समोर आली आहे.

Edited By - Jagdish Patil