Nagpur Crime : उपचारासाठी दाखल कैदी रुग्णालयातून फरार; पोलिसांकडून शोध सुरु

पराग ढोबळे 

नागपूर : चोरीच्या गुन्ह्यात नागपूर मध्यवर्ती कारागृहातील कैद्याना शासकीय मेडिकल रुग्णलायात उपचारासाठी दाखल करण्यात आले होते. मात्र उपचारा दरम्यान दाखल असताना मध्यरात्रीच्या सुमारास या कैद्याने रुग्णालायातून पलायन केल्याची घटना समोर आली आहे. सदरची घटना रुग्णालयात लावण्यात आलेल्या सीसीटीव्हीत कैद झाली असून फरार झालेल्या चोरट्याचा शोध पोलिसांकडून घेतला जात आहे. 

नागपूर पोलिसांनी ताब्यात घेतलेला व रुग्णालयातून फरार हर्ष रामटेक असे पळालेल्या कैद्यांचे नाव आहे. हर्ष रामटेके याला नागपूरच्या राणा प्रतापनगर पोलीस स्टेशन हद्दीत चोरीच्या गुन्ह्यात अटक करण्यात आली होती. त्यानंतर त्याची कारागृहात रवानगी करण्यात आली होती. दरम्यान त्याला दोन दिवसांपूर्वी चक्कर आणि उलटीचा त्रास होत असल्याने नागपूरचा शासकीय मेडिकल तथा रुग्णलायत दाखल करण्यात आले होते.

पोलीस कर्मचारी असताना फरार होण्यात यशस्वी 
दोन दिवसांपासून त्याच्यावर शासकीय रुग्णालयात उपचार सुरु होते. या दरम्यान पोलीस मुख्यालयाचा पोलीस कर्मचाऱ्यांच्या निगराणीखाली हा आरोपी रुग्णालयात दाखल होता. मात्र मध्यरात्री संधीचा फायदा घेत तो पसार झाला आहे. त्याच्या हाताला लाल रंगाचा कापड बांधून कुटुंबाचा नातेवाईक असल्याचे भासवत तो पसार होण्यात यशस्वी झाला आहे. या घटनेने खळबळ उडाली आहे. 

सीसीटीव्ही कॅमेरात कैद 
कैदी हर्ष रामटेके हा फरार झाला यावेळी रुग्णलयाचा सुरक्षा रक्षाक बेंचवर बसलेला होता. तरी देखील तो पळून जाण्यात यशस्वी झाला आहे. दरम्यान कैदी फरार होत असताना रुग्णालयात लावण्यात आलेल्या सीसीटीव्ही कॅमेरात कैद झाला आहे. या प्रकरणात अजनी पोलीस ठाण्यात उपचारादरम्यान फरार कायद्याच्या विरोधात गुन्हा दाखल करण्यात आलेला आहे. फरार कैद्याचा तपास पोलीस करत आहेत.