Nagpur News: भंडाऱ्याहून नागपूरात यायचा बाईक चोरीला; एक दोन नव्‍हे तर चोरल्‍या इतक्‍या गाड्या

नागपूर : नागपूर आणि परिसरातून एक दोन नाही तर 32 बाईक चोरणाऱ्या एका कुख्यात बाईक चोराला नागपूरच्या लकडगंज पोलिसांनी अटक केली. आरोपी हा भंडारा जिल्ह्यातील असून तो नागपूरला येऊन बाईक चोरायचा आणि परत जायचा. इतक्या मोठ्या प्रमाणात बाईक कसा चोरत होता त्याची काही गॅंग आहे का? याचा शोध पोलीस घेत आहे. (Tajya Batmya)

पोलीस (Police) स्टेशन समोर लागलेल्या या सगळ्या बाईक बघून हे एखाद्या बाईकच दुकान असावं असं वाटायला लागेल. या सगळ्या बाईक भंडारा (Bhandara) जिल्ह्यातील एका चोरट्याने नागपूर (Nagpur) शहर आणि आसपासच्या परिसरातून चोरल्या आहेत. या बाईक चोरून त्या विकून त्यातून तो पैसा मिळवायचा.

एका घटनेचा तपास करताना लागला हाती

पोलीस एका घटनेचा तपास करत असताना हा चोरटा त्यांच्या हाती लागला आणि पोलिसांनी त्याला आपला खाक्या दाखवताच त्याने एक दोन नाहीतर 32 बाईक चोरल्याचा गुन्हा कबूल केला. या बाईक्समध्ये आणखी वाढ होण्याची शक्यता सुद्धा पोलिसांनी वर्तवली असून याच्यासोबत आणखी कोणी साथीदार आहेत का याचा शोध सुद्धा आता पोलीस घेत आहे