Nagpur Crime News : नागपूर कस्टम विभागाच्या (Nagpur Customs Department) एअर इंटेलिजेंस युनिटने (AIU) विशिष्ट गुप्त माहितीच्या आधारे डॉ. बाबासाहेब आंबेडकर आंतरराष्ट्रीय विमानतळावर (Dr Babasaheb Ambedkar International Airport) सुमारे चाळीस लाख किमतीचे सुमारे 700 ग्रॅम सोने (gold) जप्त केले. मुंबईहून नागपूर (Mumbai to Nagpur) गो एअर फ्लाइटच्या (G8-954) (go air flight) केबिन टॉयलेटमधून साेने तस्करी करण्याचा प्रयत्न पथकाने हाणून पाडला.
नागपूरचे सीमाशुल्क आयुक्त अभय कुमार यांच्या मार्गदर्शनाखाली आणि पीयूष भाटी, अतिरिक्त आयुक्त, सीमाशुल्क, नागपूर यांच्या निर्देशानुसार नागपूर विमानतळाचे सहायक आयुक्त अविनाश पांडे यांच्या नेतृत्वाखालील पथकांने कारवाई केली. नागपूर कस्टमच्या पथकाने दोन संशयित प्रवाशांना ताब्यात घेऊन त्यांची चौकशी केली. या पथकाने सुमारे 700 ग्रॅम सोन्याचे साहित्य जप्त केले आहे.
दिपक सोनटक्के, अविनाश पराते, अविनाश खोब्रागडे, राजेश नवलाखे, मनीष पंढरपूरकर, सर्व निरीक्षक या पथकात होते. संशयित प्रवाशांनी चौकशीत फ्लाइटच्या टॉयलेटमध्ये साेने लपवून ठेवल्याचे उघड केले. हे विमान मूळ फुकेतहून मुंबईला आले होते. त्यानंतर ते नागपूरहून मुंबईच्या दिशेने जाणारे देशांतर्गत उड्डाण म्हणून रूपांतरित झाले. (Breaking Marathi News)
यापुर्वी अशाच पद्धतीने नागपूर कस्टमने गेल्या १० जानेवारीला गुन्हा दाखल करून १.७३ किलो सोने जप्त केले होते. विमानतळावरील सोन्याची तस्करी तपासण्यासाठी आणि रोखण्यासाठी नागपूर सीमाशुल्क सतर्क असल्याचे पुन्हा एकदा गुरुवारी झालेल्या घटनेवरुन समाेर आले आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
