Nagpur Crime News: नागपुर शहरात सातत्याने खून, मारामारी अशी गंभीर प्रकरणे समोर येत आहेत. नुकतीच नागपुरमध्ये अवघ्या २४ तासांत दोन खुनाच्या घटना समोर आल्या आहेत. शहरातील पाचपावली आणि एमआयडीसी परिसरात दोन हत्या झाल्या असून या घटनांनी शहरात खळबळ उडाली आहे.
याबाबत अधिक माहिती अशी की, नागपुर (Nagpur) शहरातील एमआयडीसी पोलिस ठाण्याच्या हद्दीत पतीनेच पत्नीची निर्घृण हत्या केल्याची घटना घडली. घरगुती वादातून हा संपूर्ण प्रकार घडला असून धारधार शस्त्राने वार करुन पतीने पत्नीचा खून केला. पोलीस घटनास्थळी दाखल झाले असून मृतदेह ताब्यात घेतला आहे.
दुसरी हत्येची घटना पाचपावली पोलीस ठाण्याच्या हद्दीत घडली आहे. त्रिकोणी प्रेम प्रकरणातून बारसे नगरमध्ये बालपणीच्या मित्रानेच तरुणाची हत्या केल्याचे समोर आले आहे. अभिनव महेंद्र राऊत असे हत्या झालेल्या तरुणाचे नाव असून कशीश महाजन असे आरोपीचे नाव आहे.
पोलीस ठाणे उडवण्याची धमकी...
दरम्यान, शहरात एक पोलिस ठाण्यात बॉम्बस्फोट होणार असल्याच्या धमकीचा फोन आल्याने एकच गोंधळ उडाला. नागपुरातील सीताबर्डी (sitabuldi Police Station) पोलिस ठाण्यात बॉम्बस्फोट होणार असल्याची धमकी फोनवरुन देण्यात आली होती. या घटनेने एकच खळबळ उडाली असून धमकीनंतर पोलिस ठाणे रिकामे करण्यात आले. मात्र नंतर खोडसाळपणा असल्याचे समोर आले. (Latest Marathi News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
