Nagpur Crime News: महाराष्ट्राची उपराजधानी म्हणून ओळखल्या जाणाऱ्या नागपूर शहरातून एक धक्कादायक घटना उघडकीस आली आहे. वर्दळीच्या ठिकाणी अनेकांचे येणे जाणे सुरू असताना दोन भामट्यांनी दुचाकीस्वाराला पकडलं. बंदुकीचा धाक दाखवत त्याच्याकडून १ कोटी २५ लाखांची रोकड लुटून नेली.
ही थरारक घटना मंगळवारी रात्रीच्या सुमारास लकडगंज पोलीस ठाण्याच्या हद्दीत घडली. या थरारक घटनेचा व्हिडीओ समोर आला आहे. या घटनेनं परिसरात मोठी खळबळ उडाली आहे. दरडेखोरांनी तरुणाकडून लुटलेली रोकड हवालाची असल्याची जोरदार चर्चा आहे.
दरम्यान, लुटण्यात आलेल्या रकमेचा आकडा पुढे आल्यानंतर परिसरात प्रचंड खळबळ निर्माण झाली. प्राप्त माहितीनुसार, नेहरू पुतळा परिसरात बारदाना गल्ली (Nagpur Crime) असून याच गल्लीत हवाला व्यापारी वीरम पटेल यांचे कार्यालय आहे.
नेहमीप्रमाणे मंगळवारी रात्री ८ वाजेच्या सुमारास पटेल यांनी कार्यालय बंद केले. त्यानंतर दोन कर्मचाऱ्यांच्या हाती सुमारे १ कोटी १५ लाखांची रोकड असलेली बॅग दिली. ही बॅग दुचाकीच्या डिक्कीत ठेवून ते दोन कर्मचारी भूतडा चेंबरपासून निघाले.
दरम्यान, रस्त्यावरून जात असताना दोन अज्ञात दरडेखोरांनी त्यांची दुचाकी थांबवली. कसलीही मारहाण अथवा काहीही न करता दोघांनी तरुणाच्या हाताला झटका मारून रोकड घेऊन पळ काढला. दरम्यान, लुटारूजवळून पळून आलेल्या तरुणांनी लुटमार झाल्याची माहिती पटेल यांना दिली.
पटेल यांनी तातडीने पोलिसांत धाव घेतली. सव्वा कोटी लुटून नेल्याचे कळताच पोलीस हादरले. ठाणेदार अतुल सबनिस यांनी लगेच वरिष्ठांना माहिती कळवली. सव्वा कोटींची रक्कम घेऊन आरोपी फरार झाले असून पोलिसांकडून त्यांना पकडण्यासाठी नाकेबंदीही करण्यात आली.
Edited by - Satish Daud
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.