नागपूरमधील भयानक घटना! कुख्यात गुंडाचा दगडाने ठेचून खून

नागपूर - जरीपटका पोलीस ठाण्याच्या हद्दीत मंगळवारी रात्री एक थरारक घटना घडली. दारूच्या नशेत झालेल्या वादातून एका कुख्यात गुंड्याला घेरून पाच जणांच्या टोळीने त्याची दगडाने ठेचून खून केला. फ्रँक अन्थोनी असे खून झालेल्या कुख्यात गुंडाचे नाव आहे. फ्रँक अजनी पोलीस ठाण्याच्या हद्दीतील कौशल्यानगरात राहत होता. फ्रँकवर जरीपटका आणि गिट्टीखदान पोलिस ठाण्यात हत्याकांडाचे दोन गुन्हे दाखल आहेत.

हे देखील पहा -

मंगळवारी रात्री ७.३० च्या सुमारास पत्नी आणि दोन मुलांना घेऊन तो मार्टीननगरातील सासुरवाडीत आला होता. तेथून तो खोब्रागडे चौकाजवळ पोहोचला. याठिकाणी त्याला काही जण वाद घालताना दिसले आणि तो त्यांच्याकडे बघू लागला. आरोपींचे त्याच्याकडे लक्ष गेल्याने त्यांनी ‘क्या देख रहा बे’ असे म्हटले. यावरून फ्रँकमधील गुन्हेगार जागा झाला. ‘मुझे पहचानता नही क्या’, असे विचारत फ्रँकने आरोपींना शिवीगाळ केली.

त्यामुळे वाद आणखी वाढला दारूच्या नशेत टून्न असलेल्यापाच जणांच्या टोळीने फ्रँकला घेरून त्याची दगडाने ठेचून भीषण हत्या केली. या घटनेची माहिती मिळताच ठाणेदार वैभव जाधव, पीएसआय देवकते आपल्या सहकाऱ्यांसह घटनास्थळी पोहोचले. दरम्यान, नागरिकांनी दिलेल्या माहितीवरून पोलिसांनी आरोपींचा शोध घेतला असता संशयीत आरोपी विक्की उर्फ सतीश तायवाडे, क्रिष्टोफर डेनियल, सोबियल डेनियल, सॅमिन पिटर आणि आकाश वाघाडे या पाच जणांना पोलिसांनी ताब्यात घेतले आहे.

Edited By - Shivani Tichkule