Mumbai-Nashik Expressway: नाशिक-मुंबई महामार्गावर ट्रक आणि जीपचा भीषण अपघात; ५ जण गंभीर जखमी

Accident News:

नाशिक-मुंबई द्रुतगती महामार्गावरील पाचपाखाडी येथे एक भीषण अपघात झाला आहे. अपघातात बंद अवस्थेत असलेल्या ट्रकला मागील बाजूने जीपची जोरदार धडक बसलीये. सदर घटनेत जीपमधील पाच जण गंभीर जखमी आहेत. जखमींवर जवळत्या रूग्णालयात उपचार सुरूयेत. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

मिळालेल्या अधिक माहितीनुसार, अपघाताची (Accident) माहिती मिळताच पोलिसांनी घटनास्थळी धाव घेतली. यामध्ये जखमी व्यक्तींना जीपमधून बाहेर काढण्यात आले आणि मुंबईच्या जे जे रूग्णालयात उपचारासाठी पाठविण्यात आले. अपघात नेमका कसा झाला याबाबत ठोस माहिती मिळालेली नाही. मात्र जीप चालक दारू पिऊन वाहन चालवत असावा असावा संशय पोलिसांनी व्यक्त केलाय.

नववर्षाच्या पहिल्याच दिवशी तरुणांच्या जीपचा अपघात झाला आहे. सदर घटनेमध्ये जखमींची प्रकृती चिंताजनक असल्याने त्यांचे कुटुंबीय देखील चिंतेत आहेत.

नवीन वर्षाच्या सुरूवातीला देखील अपघाताच्या मालिका सुरूच आहेत. बुलढाण्यात काल लात्री मद्यधुंद कारचालकाने दुचाकीसह ३ ते ४ वाहनांना उडवल्याची घटना घडली. या भीषण अपघातात ४ जण जखमी झाले आहेत.

जखमींपैकी काहींची प्रकृती चिंताजनक असल्याची माहिती मिळालीये. जखमींना उपचारासाठी शेगाव येथील रुग्णालयात दाखल करण्यात आले आहे. थरकाप उडवणारी ही घटना शेगाव -बाळापूर मार्गावर रविवारी रात्री ८ च्या सुमारास घडलीये.