राज्यात निवडणूक जाहीर झाली असून आचारसंहिताही लागू झाली आहे. आचारसंहितेच्या काळात मतदारांवर थेट प्रभाव टाकणाऱ्या आर्थिक योजना बंद कराव्यात, अशा सूचना राज्य सरकारला केंद्रीय निवडणूक आयोगाने दिल्या आहेत. त्यानुसार आता महिलांना मुख्यमंत्री माझी लाडकी बहीण योजनेचे पैसेही मिळणार नाही आहे. यातच अनेक महिलांना प्रश्न पडला आहे की, ही योजना कायमची बंद झाली आहे का? याचंच उत्तर आता राज्याचे उपमुख्यमंत्री अजित पवार यांनी दिलं आहे.
आज नाशिक येथील त्र्यंबकेश्वर येथे एक कार्यक्रमात उपस्थितांना संबोधित करता अजित पवार म्हणले आहेत की, ''लाडक्या बहिण योजनेचे पैसे सर्वांना मिळत आहेत, माय माऊलीच्या चेहऱ्यावर आनंद आहे. ही योजना बंद होणार नाही. सावत्र भावाचे बटन दाबू नका, आम्ही सख्खे भाऊ आहे, योजनेचे पैसे बंद होणार नाही.''
ते म्हणाले की, ''काम करून घेण्याची धमक असावी लागते, प्रशासनावर पकड असावी लागते. काहींनी आता काढले योजना बंद केली, योजना बंद केली नाही. आम्ही केंद्रातून निधी आणू.''
अजित पवार पुढे म्हणले की, ''राज्याची आर्थिक परिस्थिती भक्कम आहे. मी पहिल्यांदा अर्थसंकल्प मांडला नाही, 35 वर्ष काम करतोय. विरोधकांनी महाराष्ट्रची बदनामी थांबवावी. महाराष्ट्र अर्थिक परिस्थिती चांगली नाही, असे म्हणतात. मी अर्थमंत्री आहे,मला माहिती आहे. सत्तेत येण्यासाठी राज्याची बदनामी करू नका.''
पवार म्हणाले, ''लाडकी बहीण योजना पुढील 5 वर्षे चालू ठेवायची आहे. विरोधक सत्तेसाठी काहीही करतायत.'' दरम्यान, विधानसभा निवडणूक पार पडल्यानंतर या योजनेचे पैसे पुन्हा लाडक्या बहिणींच्या खात्यात येणार असल्याचं, सत्ता पक्षाचं म्हणणं आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.