शिवसेनेवर जर कोण आघात करत असेल तर शिवसेना पुरून उरेल - राऊत

सिंधुदुर्ग : "तुम्ही माझं काही करू शकत नाही, मी पुरून उरलो" नारायण राणे यांच्या आजच्या पत्रकार परिषदेतील या वक्तव्यावर उत्तर देताना शिवसेना खासदार विनायक राऊत म्हणाले की, शिवसेनेवर जर आघात करण्याचं काम कोणी केलं तर, त्याला मात्र पुरेपूर धडा शिकवल्याशिवाय शिवसेना गप्प राहणार नाही.

हे देखील पहा -

दिशा सालीया आणि पूजा चव्हाण प्रकरणात मी गप्प बसणार नाही त्या मंत्राला अटक होईपर्यंत आम्ही पाठलाग करणार, कोर्टात पण जाणार असे राणे म्हणाले आहेत. यावर राऊत म्हणाले की, नारायण राणे यांना गप्प राहण्यासाठी कोणीही सांगितलं नाही. कोणत्याही गोष्टी पुढे घेऊन धावायचे असेल तर जरूर धावाव आमच्याकडे सुद्धा कणकवलीतील मचेकरांचा,आणि रमेश गोवेकर, अंकुश राणे, बाळा वळजू खुनाचा संदर्भ आहे. आमच्याकडे सुद्धा खूप मटरेल आहे. त्यामुळे काळजी करू नका जेवढे धावायचं तेवढे धावा एक एक करून प्रकरणे बाहेर काढू.

योगी आदित्यनाथ यांची थोबाड फोडण्याची भाषा कोणी केली होती असा थेट सवाल मुख्यमंत्री उद्धव ठाकरे यांना नारायण राणे यांनी आजच्या पत्रकार परिषदेत केला आहे. यावर राऊत म्हणाले की, योगी आदित्यनाथ यांच्याबाबत कोणी थोबाड फोडण्याच्या संदर्भात कोण बोललं असेल किंवा मुख्यमंत्री बोलले असतील हे आमच्या वाचनात आलेलं नाही.

ज्यावेळी बोलले होते तर त्यावेळी हे झोपले होते का? तुमच्या अपराधावर पांघरूण घालण्यासाठी योगी आदित्यनाथ यांचा संदर्भ देऊन आपली कातडी वाचवायला निघालेल्या हि मंडळी आहेत. दरम्यान, काहीजण माझ्या चांगुलपणाचा फायदा उठवतायत या राणेंच्या वक्तव्यावर राऊत म्हणाले की, नारायण राणे यांच्याकडे चांगुलपणा आहे का हा मात्र संशोधनाचा विषय आहे.

Edited By : Krushnarav Sathe