बीड: राष्ट्रवादीचे (NCP) आमदार संदीप क्षिरसागर (MLA Sandeep Kshirsagar) हे एका व्हायरल (viral) व्हिडिओमुळे (video) चांगलेच चर्चेत आले आहेत. नुकत्याच प्रदर्शित झालेल्या "पुष्पा (Pushpa)" चित्रपटातील (movie) डायलॉग थेट राष्ट्रवादीच्या (NCP) आमदाराच्या तोंडून एका जाहीर कार्यक्रमांमध्ये पाहायला मिळाला आहे. 'मै झुकेगा नही...'म्हणत दाढीच्या (Beard) खालून हात फिरवत चक्क आमदारांनी देखील हा डायलॉग (Dialogue) म्हटला आहे. (MLA Sandeep Kshirsagar in discussion due viral video)
पहा व्हिडिओ-
त्यावेळी उपस्थित कार्यकर्त्यांनी मोठ्या प्रमाणात दाद दिली आहे. याअगोदर संदीप क्षीरसागर यांचा झाडावर चडून आंदोलक महिलेची समजूत काढतानाचा व्हिडिओ देखील सोशल मीडियावर तुफान व्हायरल झाला होता. त्यानंतर आता हा व्हिडिओ व्हायरल झाला आहे.
अल्लू अर्जुन आणि रश्मिका मंदाना यांची प्रमुख भूमिका असलेल्या पुष्पा चित्रपटाने देशात धुमाकूळ घातला आहे. विविध अभिनेते, क्रिकेटपटूंसह आणि आता राजकारण्यांवरही पुष्पा चित्रपटाने भुरळ घातली आहे. बीडचे राष्ट्रवादीचे आमदार संदीप क्षिरसागर हे देखील यात कमी नाहीत.
बीडमध्ये एका पक्षप्रवेशाच्या सभेत बोलताना, संदीप क्षिरसागर आगामी नगरपरिषद निवडणुकांबाबत बोलत होते. 'निवडणुकीत सर्वजण एकत्र लढणार आहेत. माझ्या पाठिशी तरुण वर्ग आहे. आई- बहीणींचा आशिर्वाद आहे, असेही संदीप क्षिरसागर यावेळी म्हणाले आहेत. दरम्यान आमदार संदीप क्षिरसागर यांच्या आधी शिवसेना खासदार संजय राऊत यांनी देखील भाजपला टोला लगावताना 'झुकेंगे नही' असे म्हटले आहे.
Edited By- Digambar Jadhav
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.