Wardha: पीक विमा न काढलेल्या साेयाबीन उत्पादक शेतकऱ्यांचा सरकारने विचार करावा : आमदार रणजित कांबळे

- चेतन व्यास

Unseasonal Rain Hits Wardha :

मागील तीन दिवसांपासून सुरू असलेल्या अवकाळी पावसामुळे देवळी पुलगाव मतदार संघातील सर्व गावांत शेतीपिकांचे मोठे नुकसान झाले. तत्पूर्वी खरीप हंगामात शेतकऱ्यांच्या सोयाबीन पीक पूर्णतः उद्ध्वस्त झाले होते. आता पुन्हा एकदा अवकाळीच्या अवकृपेने झालेल्या नुकसानीचे तत्काळ सर्वेक्षण करावे, अशी मागणी आमदार रणजित कांबळे (mla ranjit kamble) यांनी जिल्हाधिकाऱ्यांना दिलेल्या निवेदनातून केली. (Maharashtra News)

आमदार कांबळे यांनी दिलेल्या निवेदनात खरीप हंगामात शेतकऱ्याच्या सोयाबीन पिकाचे मोठे नुकसान झाले होते. सोयाबीन नुकसानीचे सर्वेक्षण करून शासनाला अहवालसुद्धा पाठविण्यात आला आहे. मात्र काही प्रमाणात पीक विमाधारक सोयाबीन उत्पादक शेतकऱ्यांना पीक विम्याची मदत मिळाली आहे. मात्र, मोठ्या प्रमाणात पीक विमाधारक शेतकऱ्यांच्या नुकसानीचे दावे विमा कंपनीने फेटाळले आहे.

दुसरीकडे ज्या सोयाबीन उत्पादक शेतकऱ्यांनी पीक विमा काढला नाही त्या शेतकऱ्यांना सरकारकडून मदतीसंदर्भात अद्यापपर्यंत कोणतेच आदेश देण्यात आले नाही. अवकाळी पावसामुळे शेतकऱ्यांच्या शेतात असलेली कपाशी व तुरीच्या पिकाचे नुकसान होत शेतकऱ्यांचे कंबरडे मोडले आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

शेतकऱ्यांना सद्यस्थितीत या संकटातून बाहेर काढण्यासाठी तातडीने मदत करणे गरजेचे आहे. त्यामुळे तत्काळ सर्वेक्षण करून मदत द्यावी, अशी मागणी आमदार रणजीत कांबळे यांनी केली आहे.

Edited By : Siddharth Latkar